ءىس-شارا قازاقستان رەسپۋبليكاسىنىڭ سىرتقى ىستەر مينيسترلىگى مەن مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلدى. القالى جيىن اباي شىعارماشىلىعىن حالىقارالىق دەڭگەيدە ناسيحاتتاۋ ماقساتىن كوزدەيدى.
اباي ورتالىعىنىڭ اشىلۋ سالتاناتىنا چەرنوگوريانىڭ قازاقستان, اۋستريا, گەرمانيا, سلوۆاكيا, يسپانيا, يتاليا, ماجارستان, بولگاريا, تۇركيا جانە گرەتسيا ەلشىلىكتەرىنىڭ ديپلوماتيالىق وكىلدەرى, زيالى قاۋىم وكىلدەرى, قوعام بەلسەندىلەرى قاتىستى.
اباي ورتالىعىنا جۇزدەن اسا قۇجات تابىس ەتىلدى. ولاردىڭ ىشىندە قازاق, ورىس, اعىلشىن, قىتاي, ت.ب كوپتەگەن تىلگە اۋدارىلعان اقىننىڭ شىعارمالارى, قاراسوزدەرى, ابايتانۋ كىتاپتارى, ءومىر جولى مەن شىعارماشىلىعىنا قاتىستى قۇندى دەرەكتەر, سونىمەن قاتار قازاق جازۋشىلارى ءابىش كەكىلباي ۇلى, كەمەل توقاەۆ, تالاسبەك اسەمقۇلوۆ سىندى ۇلت زيالىلارىنىڭ كىتاپتارى بار. بۇل قۇجاتتار ۇلتتىق اكادەميالىق كىتاپحانا مەن ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەي-قورىعىنان الىندى.
