فوتو: mail.kz
اتىراۋ وبلىسىنىڭ پروكۋراتۋراسىنىڭ اقپاراتىنا سۇيەنسەك, «تەڭىزشەۆرويل» جشس 2023 جىلدىڭ 3 جانە 4 توقسانىندا, سونداي-اق 2024 جىلدىڭ 1 جانە 2 توقسانىندا اتموسفەراعا ەكولوگيالىق رۇقسات ەتىلگەن نورمالاردان تىس 49,3 توننا لاستاۋشى زاتتاردى شىعارعان.
«ونىڭ ىشىندە 4,9 توننا لاستاۋشى زات قورشاعان ورتاعا ارنايى رۇقساتسىز تاستالعانى انىقتالدى. وسىعان بايلانىستى پروكۋروردىڭ قاۋلىسىمەن «تەڭىزشەۆرويل» جشس-عا قاتىستى اكىمشىلىك ءىس قوزعالىپ, سوتپەن 639,6 ملن تەڭگە كولەمىندە ايىپپۇل سالىندى. بۇل شەشىم زاڭدى كۇشىنە ەندى. ايماقتا اتموسفەرالىق اۋانىڭ لاستانۋى – وزەكتى ماسەلەلەردىڭ ءبىرى. پروكۋراتۋرا بۇل باعىتتاعى قاداعالاۋ جۇمىسىن تۇراقتى تۇردە جۇزەگە اسىرىپ كەلەدى», دەپ حابارلادى وبلىستىق پروكۋراتۋرادان.
