فوتو: انادولى
2024 جىلدىڭ العاشقى التى ايىندا 297 ءولىم جازاسى تىركەلگەن.
بۇۇ-نىڭ ادام قۇقىقتارى جونىندەگى جوعارعى كوميسسارى فولكەر تيۋركتىڭ ايتۋىنشا, قازىر كەمىندە 48 ادام ءولىم جازاسىن كۇتىپ وتىر, ونىڭ ىشىندە 12 ادامعا جاقىن ارادا ۇكىم ورىندالۋى مۇمكىن.
«بيىل ءولىم جازاسىنا كەسىلگەندەردىڭ 40%-دان استامى ەسىرتكىگە قاتىستى ايىپپەن سوتتالعاندار. قالعاندارىنا «قۇدايعا قارسى شىعۋ» سەكىلدى ناقتى دالەلسىز, ب ۇلىڭعىر ايىپتار تاعىلعان. مۇنداي ايىپتار كوبىنە بيلىككە قارسى شىققاندار مەن ساياسي قارسىلاستاردى باسۋ ءۇشىن پايدالانىلادى. ولاردىڭ سوتى جابىق وتەدى», دەدى فولكەر تيۋرك.
بۇۇ قۇقىق قورعاۋشىلارى ادىلەتسىزدىككە الاڭداۋلى. ولاردىڭ ايتۋىنشا, ءولىم جازاسىنا كەسىلگەندەردىڭ اراسىندا ەتنيكالىق جانە ءدىني ازشىلىق وكىلدەرى تىم كوپ.
سونىمەن قاتار يران كونستيتۋتسياسىنىڭ ساقشىلار كەڭەسى قازىر «دۇشپان ەلدەرمەن ىنتىماقتاستىق» تۇسىنىگىن كەڭەيتەتىن زاڭ جوباسىن قاراپ جاتىر. بۇۇ بۇل زاڭ جوباسى ءولىم جازاسىنا اكەلەتىن تىڭشىلىق تۋرالى باپتارعا ينتەرنەتتەگى حات الماسۋ, شەتەلدىك باق-پەن بايلانىس نەمەسە ءتىپتى يدەولوگيالىق كەلىسپەۋشىلىك تە كىرىپ كەتۋى مۇمكىن ەكەنىن ەسكەرتەدى.
ء«ولىم جازاسى ءومىر ءسۇرۋ قۇقىعىنا جانە ادامنىڭ قادىر-قاسيەتىنە قايشى. يران بيلىگىن ءولىم جازاسىنا موراتوري جاريالاپ, بۇل جازانى جويۋ جولىنداعى جاھاندىق قوزعالىسقا قوسىلۋعا شاقىرامىن», دەدى فولكەر تيۋرك.
