فوتو: اشىق دەرەككوز
ء«بىز يراننىڭ يادرولىق مۇمكىندىكتەرىن جويعانبىز. ولار قايتادان ىسكە قوسا الادى, بىراق ەگەر ونداي ارەكەتكە بارسا, ءبىز ولاردىڭ نىساندارىن ساۋساعىن كوتەرىپ ۇلگەرمەي جاتىپ جويامىز», دەدى ترامپ.
وسى مالىمدەمەگە جاۋاپ رەتىندە يران سىرتقى ىستەر ءمينيسترى ابباس اراگچي 21 شىلدەدە Fox News ارناسىنا بەرگەن سۇحباتىندا تەگەران ۋران بايىتۋدان باس تارتپايتىنىن ايتقان.
ء«بىز بۇل جۇمىستى ۋاقىتشا توقتاتتىق, سەبەبى شىعىن كوپ بولدى. بىراق بۇل ءبىزدىڭ عالىمدارىمىزدىڭ جەتىستىگى ءارى ۇلتتىق ماقتانىشىمىز. سوندىقتان ونى توقتاتۋ مۇمكىن ەمەس», دەدى ول. سونداي-اق بولاشاقتاعى كەز كەلگەن يادرولىق كەلىسىمدە يراننىڭ ۋران بايىتۋ قۇقىعى ساقتالۋى كەرەك ەكەنىن جەتكىزدى.
28 شىلدەدە يراننىڭ سىرتقى ىستەر ءمينيسترى الەۋمەتتىك جەلىدە (X, بۇرىنعى Twitter) تاعى ءبىر مالىمدەمە جاساپ, ەگەر يرانعا قارسى شابۋىلدار قايتالانسا, جاۋاپ قاتاڭ ءارى ناقتى بولاتىنىن ەسكەرتكەن.
ء«بىز بۇعان دەيىن دە ۋران بايىتۋدى جالعاستىرىپ كەلدىك جانە مۇنى توقتاتپايمىز. ءبىزدىڭ يادرولىق باعدارلامامىز قانمەن, ماڭداي تەرمەن, كوز جاسىمەن قۇرىلعان. بۇل تەحنولوگيا مەن ءبىلىمنىڭ جەمىسى. مۇنى ەشقانداي بومبا جويا المايدى», دەپ جازدى مينيستر.
ايتا كەتەيىك, 22 ماۋسىمعا قاراعان ءتۇنى اقش اسكەري كۇشتەرى يراننىڭ ءۇش يادرولىق نىسانىنا فوردو, ناتانز جانە يسفاحان قالالارىنداعى وبەكتىلەرگە اۋە سوققى جاساعان. ترامپ بۇل شابۋىلدار كەزىندە يراننىڭ نەگىزگى يادرولىق ينفراقۇرىلىمى جويىلعانىن مالىمدەگەن بولاتىن. الايدا يران بيلىگى نىسانداردا اۋىر زاقىم بولعانىمەن, ورنى تولماس شىعىن جوق ەكەنىن حابارلاعان.
