ەكونوميكالىق تەرگەۋ دەپارتامەنتىنىڭ مالىمەتىنشە, اتالعان تۇلعا قۇرىلتايشى مەن وعان بايلانىستى تۇلعالاردىڭ ەسەپشوتىنا اقشا اۋدارىپ, مەملەكەت الدىنداعى مىندەتتەمەلەردەن جالتارۋعا تىرىسقان.
«بانكروتتىق باسقارۋشى, مەملەكەتتىك قارىزدىڭ بار ەكەنىن بىلە تۇرا, قۇرىلتايشىنىڭ مۇددەسىن قورعاۋعا تىرىسىپ, بيۋدجەتپەن ەسەپ ايىرىسۋدان ادەيى جالتاردى», – دەلىنگەن ۆەدومستۆو حابارلاماسىندا.
- تەرگەۋ ناتيجەسىندە باسقارۋشى قارجىنى:
- زاڭگەرلىك قىزمەتتەرگە اقى تولەۋ;
- كاسىپورىننىڭ قارىزىن وتەۋ;
- قۇرىلتايشىعا قارجىنى قايتارۋ سەكىلدى جەلەۋمەن اۋدارعانى بەلگىلى بولدى.
الايدا, بۇل وپەراتسيالار ەشقانداي زاڭدى قۇجاتپەن نەگىزدەلمەگەن. تيىسىنشە, بۇل ارەكەتتەر كاسىپورىن مۇلكىن ادىلەتسىز ءبولىپ, بيۋدجەتتى اينالىپ وتۋگە باعىتتالعان.
بقو-نىڭ مامانداندىرىلعان ەكونوميكالىق سوتى جاسالعان ترانزاكتسيالاردى جارامسىزدەپ تانىپ, باسقارۋشىنىڭ ارەكەتىن زاڭعا قايشى دەپ باعالادى.
«بۇل ارەكەتتەر – مەملەكەتتىك بيۋدجەت الدىنداعى مىندەتتەمەلەردى ورىنداماۋ جانە قۇرىلتايشىعا كومەكتەسۋ ماقساتىندا جاسالعان», – دەيدى ەكونوميكالىق تەرگەۋ دەپارتامەنتى.
قازىر قىلمىستىق ءىس سوتقا جولداندى.
