اتاپ ايتقاندا, قازاقستاندىقتار دوللاردى 109,4 ملرد تەڭگەگە ساتىپ العان. بۇل وتكەن ايمەن سالىستىرعاندا 32,2%-عا (نەمەسە 52,1 ملرد تەڭگەگە) از. مامىردا بۇل كورسەتكىش 161,5 ملرد تەڭگە بولعان.
ەۋروعا دەگەن سۇرانىس ودان دا قاتتى قۇلدىرادى, 12 ەسە قىسقارىپ, 13,8 ملرد تەڭگەدەن 1,1 ملرد تەڭگەگە دەيىن تومەندەدى.
دوللارعا نەگىزگى سۇرانىس الماتى مەن شىمكەنت قالالارىندا تىركەلسە, رۋبل بويىنشا كەرى ءۇردىس بايقالدى: ماۋسىم ايىندا ايىرباستاۋ ورىندارى حالىقتان 40,5 ملرد تەڭگەگە رۋبل ساتىپ العان. بۇل سوڭعى بىرنەشە جىلداعى ەڭ جوعارى كورسەتكىش. ونىڭ ىشىندە الماتى تۇرعىندارى 35,7 ملرد تەڭگەنىڭ ءرۋبلىن وتكىزگەن.
ۇلتتىق بانك مالىمەتىنشە, مۇنداي ديناميكا 2024 جىلدىڭ جەلتوقسانىنان بەرى جالعاسىپ كەلەدى.
ەسكە سالايىق, 2025 جىلعى 25 شىلدەدە قازاقستان قور بيرجاسىنداعى (KASE) اقش دوللارىنىڭ ورتاشا باعامى 545,07 تەڭگەنى قۇرادى.
