فوتو: s87.org.ru
مينيسترلىككە قاراستى ۇيىمداردىڭ 30-دان استام ءبىلىم بەرۋ باعدارلاماسى 5 جىل مەرزىمگە ءساتتى اككرەديتاتسيادان وتكەن. 2025–2026 وقۋ جىلىنا مينيسترلىككە قاراستى جوعارى وقۋ ورىندارى مەن كوللەدجدەرگە مەملەكەتتىك ءبىلىم بەرۋ تاپسىرىسى اياسىندا 1647 گرانت بولىنگەن.
تەمىربەك جۇرگەنوۆ اتىنداعى قازاق ۇلتتىق ونەر اكادەمياسى دايىندىق باعىتتارى بويىنشا جوعارى وقۋ ورىندارىنىڭ سۇرانىس رەيتينگىسىندە 1-ورىندى يەلەنگەن. قازاق ۇلتتىق ونەر ۋنيۆەرسيتەتىنە كۇلاش بايسەيىتوۆا ەسىمى بەرىلدى.
كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ باس عيماراتىنىڭ قايتا جوندەۋ جۇمىستارى اياقتالدى. تەمىربەك جۇرگەنوۆ اتىنداعى قازاق ۇلتتىق ونەر اكادەمياسى ءۇشىن جاڭا جاتاقحانا قۇرىلىسىنىڭ جوباسى مەملەكەتتىك-جەكەمەنشىك ارىپتەستىك اياسىندا ىسكە اسىرىلا باستادى. سونىمەن قاتار, ينۆەستيتسيالار ەسەبىنەن ءۇش جاڭا مەكتەپ-ينتەرنات سالۋ ماسەلەسى قاراستىرىلىپ جاتىر. قازىرگى زامان تالاپتارىنا ساي جاڭارتىلعان مەكتەپ-ينتەرناتتاردىڭ جوبالىق قۇجاتتامالارىن ازىرلەۋ ءۇشىن تەحنيكالىق تاپسىرمالار دايىندالدى.
العاشقى جارتىجىلدىقتا 80-نەن استام شەبەرلىك ساباق, 66 كورمە, 8 حالىقارالىق فەستيۆال وتكىزىلگەن. سونىمەن قاتار 25-تەن استام حالىقارالىق ىنتىماقتاستىق تۋرالى جاڭا كەلىسىم جاسالدى.
جوعارى وقۋ ورىندار, كوللەدجدەر مەن مامانداندىرىلعان مەكتەپتەردە ءبىلىم الىپ جاتقان 700-دەن استام بالا رەسپۋبليكالىق جانە حالىقارالىق بايقاۋلاردىڭ لاۋرەاتى اتاندى. ولاردىڭ قاتارىندا:
- ت.جۇرگەنوۆ اتىنداعى اكادەمياسىنان 175 ستۋدەنت;
- ك. بايسەيىتوۆا اتىنداعى رەسپۋبليكالىق مامانداندىرىلعان مۋزىكا مەكتەپ-ينتەرناتىنان 275 وقۋشى;
- ك. بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنەن 122 ستۋدەنت;
- پ. چايكوۆسكي اتىنداعى الماتى مۋزىكالىق كوللەدجىنەن 15 ستۋدەنت بار.
بيىلعى جارتىجىلدىقتا اۋقىمدى حالىقارالىق جانە رەسپۋبليكالىق ءىس-شارالار ۇيىمداستىرىلدى:
- «Tyrki Duníesi» III حالىقارالىق ستۋدەنتتىك تەاتر فەستيۆالى,
- «ورلەۋ» IX حالىقارالىق حورەوگرافيالىق وقۋ ورىندارى بايقاۋى,
- X EURASIA PIANO FORUM,
- 46-رەسپۋبليكالىق ورىنداۋشىلار بايقاۋى.
قۇرمانعازى اتىنداعى قازاق ۇلتتىق كونسەرۆاتورياسى ەكى حالىقارالىق فەستيۆال ۇيىمداستىردى. اتاپ ايتساق, «ULY DALA ÚNI» I حالىقارالىق ۆوكالدى-حور مۋزىكاسى فەستيۆالى جانە «كونە اسپاپتار شەرۋى» ەجەلگى مۋزىكالىق اسپاپتار فەستيۆالى. جۇرگەنوۆ اتىنداعى ونەر اكادەمياسى 8 ەلدىڭ ۋنيۆەرسيتەتتەرىمەن بىرلەسكەن «Playing Memories» حالىقارالىق جوباسىنا قاتىسىپ جاتىر.
2025 جىلدىڭ العاشقى جارتىجىلدىعىندا مادەنيەت سالاسىنداعى ءبىلىم بەرۋ ۇيىمدارىندا ءبىلىم الاتىن 1448 ونەرپاز رەسپۋبليكالىق جانە حالىقارالىق بايقاۋلار مەن فەستيۆالدەردە جۇلدەلى ورىندارعا يە بولعان:
- ك. بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنەن – 572 ستۋدەنت;
- قۇرمانعازى اتىنداعى قازاق ۇلتتىق كونسەرۆاتورياسىنان – 127 ستۋدەنت;
- ت. جۇرگەنوۆ اتىنداعى قازاق ۇلتتىق ونەر اكادەمياسىنان – 148 ستۋدەنت بار.
سونىمەن قاتار 87 جاس ونەرپاز رەسپۋبليكالىق بايقاۋلاردىڭ لاۋرەاتتارى اتانسا, 36 بالا حالىقارالىق بايقاۋلاردىڭ لاۋرەاتى اتاعىن جەڭىپ الدى.
ولاردىڭ ىشىندە:
- III رەسپۋبليكالىق «Dialogue of cultures - 2025» اسپاپتىق ورىنداۋشىلار بايقاۋى;
- «سەرپەر» I رەسپۋبليكالىق بايقاۋى;
- «كانتيلەنا» حالىقارالىق اسپاپتىق ورىنداۋشىلار بايقاۋى;
- «دارىندىلار گالەرەياسى» V حالىقارالىق شىعارماشىلىق ينتەرنەت-بايقاۋى;
- «Fanny Mendelssohn International Competition» حالىقارالىق بايقاۋى جانە ت.ب. بار
