ىنتا تانىتىلدى

ساكسونيا فەدەرالدىق جەرى ۇكىمەتىنىڭ جانە فرايبەرگ تاۋ-كەن اكادەمياسى باسشىلارىنىڭ شاقىرۋىمەن جاقىندا قازاقستاننىڭ گفر-داعى ەلشىسى بولات ءنۇسىپوۆ ساكسونياعا جۇمىس ساپارىمەن باردى. ساپار بارىسىندا ساكسونيا پرەمەر-ءمينيسترى اكىمشىلىگىنىڭ باسشىسىمەن, ساكسونيا فەدەرالدىق جەرىنىڭ ستاتس-ءمينيسترى فريتتس ەكەلمەن كەلىسسوزدەر ءوتىپ, وندا نەمىس تاراپى مەتاللۋرگيا جانە كەن ءوندىرۋشى ونەركاسىپ سالالارىنا ماماندانعان قازاقستاننىڭ وبلىستارىمەن ارىپتەستىك قارىم-قاتىناستار ورناتۋعا قىزىعۋشىلىق تانىتتى. فرايبەرگ تاۋ-كەن اكادە­ميا­سىنىڭ رەكتورى برەند مايەرمەن كەزدەسۋ بارىسىندا تاراپتار گەولوگيا جانە تاۋ-كەن ماماندىعى بويىنشا قازاقستاننان كەلەتىن مامانداردى دايىنداۋعا نيەت ءبىلدىردى. ىنتىماقتاستىق قۇرالى رەتىندە نەمىس تاراپى فرايبەرگ قالاسىندا قازاق-گەرمان «ءبىلىم ءۇيىن» اشۋعا ۇسىنىس جاسادى. فريتتس ەكەل ەلىمىزدە تۇراق­تىلىق پەن ۇلتارالىق كەلىسىمدى قام­تاماسىز ەتۋگە قازاقستان باس­­شى­لىعى ۇلكەن ۇلەس قوسىپ وتىر­عانىن اتاپ كورسەتىپ, وعان جوعارى باعا بەردى. كەزدەسۋدىڭ سوڭىن­دا قازاقستان اۋماعىندا ينۆەس­تي­تسيالىق جوبالاردى جۇزەگە اسىرۋ جونىندە ىنتىماقتاس­تىق­تىڭ مۇمكىندىكتەرى, سونداي-اق, ەكسپو-2017 كورمەسىنە قاتىسۋ تۋرالى بىرقاتار ماسەلە بويىنشا پىكىر الماسۋ ءوتتى. وسى كۇنى جەرگىلىكتى جەتەكشى كاسىپ­­ورىندار باسشىلارىنىڭ قاتى­سۋى­مەن وتكەن دوڭگەلەك ۇستەل با­رى­سى­ندا قازاقستاندىق ديپ­لومات ونەركاسىپ پەن تەحنو­لو­گيا سالالارىنداعى ىنتى­ماقتاس­تىق شەڭبەرىندە قازاق-گەر­مان ەكونوميكالىق قارىم-قاتىناس­تارىنىڭ وزەكتى ماسەلە­لەرى جانە قازاقستانداعى  ينۆەس­تيتسيالىق احۋال تۋ­رالى بايانداما جاسادى. ساكسو­نيالىق ىسكەر توپتاردى ەلباسى نۇرسۇلتان نازار­باەۆتىڭ «نۇرلى جول – بولاشاققا باس­تار جول» جاڭا ەكونوميكالىق ساياساتىنىڭ نەگىزگى ماقساتتارى جانە مىندەتتەرى مەن سونداي-اق, بەس ينستيتۋتتىق رەفورماسىن جۇزەگە اسىرۋعا باعىتتالعان «100 ناقتى قادام» ۇلت جوسپارىنىڭ ەرەجەلەرىمەن تانىستىردى. ساكسونيا وڭتۇستىك گەرما­نيا­نىڭ سەرپىندى دامىپ كەلە جاتقان وڭىرلەرىنىڭ ءبىرى بولىپ تابىلادى, وندا تاماق جانە حيميا ونەركاسىبى, ماشينا جاساۋ, لوگيستيكا جانە ەلەك­ترونيكا سالالارى جاقسى دامىعان. «ەگەمەن-اقپارات».