فوتو: اشىق دەرەككوز
كوپشىلىككە بەلگىلى, لوتوس – تازالىق پەن رۋحاني كەمەلدىلىكتىڭ سيمۆولىنا اينالعان قاسيەتتى گۇل. ونىڭ كوزتارتار كوركىمەن قاتار سيرەك ەكوجۇيەدە وسەتىندىگى دە زەرتتەۋشىلەردىڭ قىزىعۋشىلىعىن ارتتىرادى. قازىر الەمدە لوتوس گ ۇلىنىڭ تابيعي جاعدايدا وسەتىن ورىندارى ساناۋلى. سونىڭ ءبىرى – اتىراۋ وڭىرىندەگى قيعاش وزەنىنىڭ ساعاسىنداعى تەڭىز ماڭى. وسىنداي تابيعي ەرەكشەلىك وڭىرگە وزىندىك مارتەبە بەرىپ وتىر.
قۇرمانعازى اۋدانىنداعى لوتوس القابىنىڭ اۋماعى شامامەن 8–10 گەكتاردى قۇرايدى. گۇل ساباعىنىڭ ۇزىندىعى 2 مەترگە دەيىن جەتسە, جاپىراعىنىڭ ديامەترى 60 سانتيمەترگە جۋىقتايدى.
تەڭىز اۋىلىنا جاقىن ورنالاسقان بۇل ەرەكشە جەر تۋرالى بۇرىندارى كوپشىلىك بىلە بەرمەيتىن. الايدا سوڭعى جىلدارى باق-تا جاريالانعان دەرەكتەر مەن الەۋمەتتىك جەلىلەردىڭ اسەرىنەن بۇل مەكەنگە اعىلاتىن تۋريستەردىڭ سانى ارتا ءتۇستى. قاشىقتىعىنا قاراماستان, تابيعات كورىنىسىنە ءتانتى بولۋعا كەلگەندەر لەگى جىل ساناپ كوبەيىپ كەلەدى.
فەستيۆال اياسىندا ۇلتتىق سپورتتىڭ التى تۇرىنەن جارىس وتپەك. اتاپ ايتقاندا, قازاق كۇرەسى, قول كۇرەسى, ساداق اتۋ, ارقان تارتۋ, اسىق اتۋ جانە الىپتار سايىسى ۇيىمداستىرىلادى. جەڭىمپازدارعا ارنايى سىيلىقتار تابىستالادى.
سونىمەن قاتار ەتنواۋىل بوي كوتەرىپ, قولونەر شەبەرلەرىنىڭ كورمەسى مەن ۇلتتىق تاعامدار جارمەڭكەسى مەرەكەنىڭ شىرايىن كىرگىزبەكشى. ايتا كەتەيىك, لوتوس مەيرامى وتاندىق ەسترادا جۇلدىزدارىنىڭ كونتسەرتىنە ۇلاسادى.
