قازىر ەلۋدەن استام تۇيەنى مال دارىگەرلەرى ەمدەپ جاتىر. بىراق ۆەتەرينارلار مۇنىڭ نە ىندەت ەكەنىن تابا الماي جاتىر. ال قوراداعى مالى قىرىلىپ شىعىنعا باتقان اۋىل تۇرعىندارى ۇكىمەت تاراپىنان قولداۋ سۇرايدى.
- بيىل تۇيەلەر اۋىرىپ, قاتتى قيىندىق كورىپ وتىرمىز. سەبەبى جالعىز مەن ەمەس, وسى اۋىلدىق بارىندە دە تۇيە ءولىپ جاتىر. اۋرۋىن تابا الماي قاتتى قينالىپ وتىرمىز. مەنىڭ بەس انا تۇيە, ەكى بوتا ءولدى. دارىگەرلەر كومەگىن جاساماي جاتقان جوق, ولار بار كومەگىن جاسادى. ءبىز تەك سول مالمەن كۇن كورىپ وتىرمىز. ءبىزدىڭ اۋىلدىڭ تىنىس تىرشىلىگى تەك قانا سول مال, - دەيدى فازيليا قابدولوۆا.
قۇرمانعازى اۋدانىنا قاراستى اۋىلداردا تۇيەنىڭ بۇلاي بەلگىسىز ىندەتتەن ءولۋى بىلتىر دا بولعان. بىراق بيىل جاعداي ءورشىپ تۇر, دەيدى شارۋالار. دىڭعىزىل, ەڭبەكشى, ماقاش اۋىلدارىندا مال شىعىنى تىم كوپ ەكەن. ولەكسەلەردى اكىمدىك شەتىنەن كومىپ جاتىر. ۆەتەرينارلار سىنامالارىن ۇلتتىق رەفەرەنت ۆەتەريناريا ورتالىعىنا جىبەرگەن. الايدا قاۋىپتى قوزدىرعىش انىقتالماپتى. وسىلايشا ءتورت ت ۇلىكتىڭ تورەسى قانداي اۋرۋعا شالدىعىپ, قىرىلىپ جاتقانى بەيمالىم. ال اۋىل شارۋاشىلىعىنا جاۋاپتىلار مينيسترلىككە ۇسىنىس جىبەردىك دەپ قول قۋسىرىپ وتىر.
- وبلىس اكىمدىگى تاراپىنان اۋىل شارۋاشىلىعى مينيسترلىگى, ۆەتەريناريانى باقىلاۋ جانە قاداعالاۋ كوميتەتىنە ۇسىنىس حات جولدانىپ, وسى اۋرۋدىڭ ناقتى نەدەن پايدا بولعانىن انىقتاۋ ماقساتىندا ارنايى مامانداردى جىبەرتۋىن سۇرادىق. ەندى حابار كۇتىپ وتىرمىز, - دەيدى اتىراۋ وبلىسى اۋىل شارۋاشىلىعى جانە جەر قاتىناستارى باسقارماسى, ۆەتەريناريا ءبولىمىنىڭ باس مامانى ىقىلاس ازاماتوۆ.
