الگى ايەل پوليتسيا بولىمىنە كەلىپ, الاياقتاردىڭ قۇربانى بولعانىن ايتىپ شاعىمدانادى. ايتۋىنا قاراعاندا, ءوزىنىڭ قاتىسۋىنسىز الدەبىرەۋلەر ۇلكەن كولەمدە نەسيە راسىمدەگەن. بانك قىزمەتكەرلەرى مەن شاعىن قارجى ۇيىمى قارجىسىن تالاپ ەتىپ, قوڭىراۋ شالا باستاعاندا عانا ءبىلدىم دەيدى.
پوليتسيا قىزمەتكەرلەرى ىلە تەكسەرىس جۇرگىزگەن. كەيىن بەلگىلى بولعانىنداي بارلىق نەسيەلەردى ايەلدىڭ ءوزى راسىمدەپتى. العان قارجىنى ءوز باسىنا جاراتقان. ءسويتىپ, الاياقتارعا الداندىم دەپ وتىرىك ايتقان ايەلدىڭ ءوزى ءادىل زاڭنىڭ الدىندا جاۋاپ بەرەتىن بولىپ وتىر.
اقمولا وبلىسى,
اتباسار اۋدانى.
