«اباي QUIZ» زياتكەرلىك دوداسىنا ەلىمىزدىڭ بارلىق ايماعىنان 180 كوماندا, ياعني 1080 جاس قاتىسادى دەپ جوسپارلانىپ وتىر. بۇل – ينتەللەكتۋالدى ويىندار تاريحىنداعى رەكوردتىق كورسەتكىشتەردىڭ ءبىرى رەتىندە قازاقستان رەكوردتار كىتابىنا (كينەس) ەنگىزىلمەك.
«اباي QUIZ» رەسپۋبليكالىق زياتكەرلىك ويىنى – اباي وبلىسى اكىمدىگىنىڭ قولداۋىمەن, اباي وبلىسىنىڭ جاستار ساياساتى ماسەلەلەرى جونىندەگى باسقارماسى جانە سەمەي قالاسى اكىمدىگىنىڭ ۇيىمداستىرۋىمەن 2 تامىز كۇنى سەمەي قالاسىنداعى «اباي ارەنا» كوپفۋنكتسيونالدى مادەني-سپورت كەشەنىندە وتەدى. تىركەلۋ مەرزىمى – 2025 جىلعى 25 شىلدەگە دەيىن», دەيدى ۇيىمداستىرۋشىلار.
ينتەللەكتۋالدى ءىس-شارانىڭ ماقساتى – اباي قۇنانباي ۇلىنىڭ ءومىرى مەن شىعارماشىلىعىن كەڭىنەن دارىپتەۋ, جاستار اراسىندا ءبىلىم مەن مادەنيەتكە دەگەن قىزىعۋشىلىقتى ارتتىرۋ, ينتەللەكتۋالدى ويىندى جاستاردىڭ ومىرلىك داعدىلارىن دامىتۋ قۇرالى رەتىندە ناسيحاتتاۋ, قازاقستان جاستارىنىڭ اراسىنداعى كوماندالىق رۋح پەن دوستىق بايلانىستاردى نىعايتۋ.
ويىنعا قاتىسۋ شارتتارى: ويىن قازاق تىلىندە وتەدى. قاتىسۋشىلاردىڭ جاسى – 18-35 جاس ارالىعى, ءار كوماندا 6 ادامنان تۇرادى, جالپى سانى – 180 كوماندا: ولاردىڭ قۇرامىندا مەكتەپ, كوللەدج, جوو وقۋشىلارى مەن ستۋدەنتتەرى, مەملەكەتتىك جانە ۇكىمەتتىك ەمەس ۇيىم وكىلدەرى, مادەنيەت, سپورت, باق جانە باسقا دا سالا جاستارى قامتىلادى.
جۇلدە قورى – 4 700 000 تەڭگە
- ءى ورىن – 1 000 000 تگ
- ءىى ورىن – 800 000 تگ
- ءىىى ورىن – 600 000 تگ
- IV–V ورىن – 400 000 تگ
- VI–X ورىن – 200 000 تگ
سونىمەن قاتار, ۇزدىك كوماندالارعا ارنالعان ارنايى نوميناتسيالار تاعايىندالادى: «ۇزدىك ستۋدەنتتىك كوماندا», «ۇزدىك ۇجىم», «ۇزدىك اۋدان كومانداسى», «ەڭ كرەاتيۆتى كوماندا», «ۇزدىك وبراز», «ۇزدىك تالپىنىس», «قارا ءسوز جۇلدەسى» جانە ت.ب. ويىن كەزەڭدەرى: «اباي QUIZ» 7 نەگىزگى كەزەڭنەن تۇرادى, ولاردىڭ ارقايسىسى اباي مۇراسىن, ۇلتتىق تاريح پەن ادەبيەتتى, لوگيكالىق ويلاۋدى جانە شىعارماشىلىق قابىلەتتى قامتيدى. ويىن بارىسىن ارنايى كونتسەرتتىك باعدارلامالار مەن مۋزىكالىق ۇزىندىلەر سۇيەمەلدەيدى. سونىمەن بىرگە, قوناق كوماندالار ءۇشىن سەمەي قالاسىنىڭ تاريحي-مادەني ورىندارىنا ەكسكۋرسيا ۇيىمداستىرىلىپ, كەشكى اس جانە مادەني باعدارلاما ۇسىنىلادى.
اباي وبلىسى
