«وڭتۇستىك جارىق ترانزيت» جشس مالىمەتىنە سايكەس, ەلەكترمەن جابدىقتاۋ جۇيەسى بۇگىنگى تاڭدا مەگاپوليستە قالىپتى رەجيمدە جۇمىس ىستەپ جاتىر. قازىرگى تاڭدا قالا اۋماعىندا ەلەكتر قۋاتىنىڭ بەرىلۋىندە ەشقانداي اۋىتقۋلار نەمەسە جوسپاردان تىس شەكتەۋلەر جوق. قالاعا بەرىلەتىن جارىقتىڭ كولەمى مەن ساپاسى بۇرىنعى كۇيىنشە دەدى ەلەكتر ەنەرگياسىن تاراتۋشى مەكەمە ماماندارى.
دەگەنمەن قالانىڭ ەنەرگەتيكا سالاسىنا جاۋاپتى وكىلدەر كەيبىر شاعىناۋداندار مەن كوشەلەردە جوسپارلى تەحنيكالىق قىزمەت كورسەتۋ جۇمىستارى جۇرگىزىلۋى مۇمكىن ەكەنىن جوققا شىعارمادى. مۇنداي جاعدايدا تۇتىنۋشىلارعا الدىن الا حابار بەرىلەتىنىن جەتكىزدى.
جارىق بەرۋشى مەكەمەنىڭ جاۋاپتى تۇلعالارى ەلەكتر ەنەرگياسىنا قاتىستى قانداي دا ءبىر اقاۋلار نەمەسە ۇزىلىستەر تۋىنداعان جاعدايدا, تۇرعىنداردان «وڭتۇستىك جارىق ترانزيت» جشس-ءنىڭ رەسمي بايلانىس ورتالىعىنا حابارلاسۋلارى قاجەتتىگىن ەسكە سالادى. ولار ءاربىر ءوتىنىش ديسپەتچەرلىك قىزمەت تاراپىنان جەدەل قارالىپ, ءتيىستى شارالار قابىلداناتىنىن مالىمدەدى.
وسىعان بايلانىستى قالا بيلىگى تۇرعىندارعا تەك رەسمي دەرەككوزدەرگە سۇيەنىپ, بەيرەسمي جانە راستالماعان اقپاراتتارعا سەنبەۋ كەرەكتىگىن ەسكەرتەدى.
شىمكەنت
