فوتو: اشىق دەرەككوز
«جىل باسىنان بەرى 50-گە جۋىق كۇدىكتى ۇستالىپ, 133 قىلمىستىق ءىس سوتقا جولداندى. كەيبىر دەرەكتەرگە قاتىستى تەرگەۋ امالدارى جالعاسىپ جاتىر. اتىراۋ وبلىسىندا تىركەلگەن كيبەرقىلمىستاردىڭ باسىم بولىگى ينتەرنەت-دۇكەندەر ارقىلى جالعان تاۋار ساتۋ, ءوزىن بانك قىزمەتكەرى رەتىندە تانىستىرىپ الداۋ, فيشينگتىك سىلتەمەلەرمەن جەكە دەرەكتەردى ۇرلاۋ تاسىلىمەن جاسالادى.
«كيبەرباقىلاۋ» پلاتفورماسىمەن 2000-نان استام فيشينگتىك سايت انىقتالىپ, بۇعاتتالدى. بايلانىس وپەراتورلارىمەن بىرگە جالعان نومىرلەر مەن الاياقتىق قوڭىراۋلاردى انىقتاۋ, تۇرعىندارعا SMS ارقىلى ەسكەرتۋ حابارلامالارىن تاراتۋ جۇمىسى تۇراقتى جۇرگىزىلىپ وتىر. تۇرعىندارعا كيبەرقاۋىپسىزدىك ەرەجەلەرىن ساقتاۋدى, كۇماندى جايت تۋىنداعاندا 102 نومەرىنە حابارلاۋدى ەسكەرتەمىز», دەيدى راسۋل جولداس.
ونىڭ مالىمەتىنشە, قازىر ينتەرنەتتەگى الاياقتىقتى انىقتاۋ, جولىن كەسۋ ماقساتىندا «كيبەرپول» جەدەل توبى جۇمىس ىستەيدى. بيىل مەكتەپتەر مەن كوللەدجدەردە كيبەرقاۋىپسىزدىككە 20 مىڭنان اسا تۇرعىن قاتىسقان ارنايى لەكتسيالار وتكىزىلگەن.
