فوتو: وقۋ-اعارتۋ مينيسترلىگى (ارحيۆ)
اتالعان پلاتفورمادا 1-11 سىنىپتاردىڭ ەلەكتروندى وقۋلىقتارى ورنالاسقان, ينتەراكتيۆتى تاپسىرمالار مەن بەينە-اۋديو ماتەريالدار بار, كىتاپحانادا ۇلتتىق قۇندىلىقتارىمىزدى بالا بويىنا ءسىڭىرۋ ءۇشىن كىتاپ قورى وتە مول.
«TopIQ.kz»-تى قولدانۋ وتە وڭاي ءارى قىزىق. تۇستەرى قانىق, بالانىڭ كوزىن شارشاتپايتىنداي, زەيىنىن تۇراقتى ۇستاي الاتىنداي, ءارىپ ولشەمدەرى انىق, سۋرەت تۇستەرى ۇيلەسىمدى.
كۇندەلىكتى ەلەكتروندى جۋرنالىمىز كۇندەلىك.كز-كە كىرەتىن قۇپياسوزدى پايدالانۋ ارقىلى وپ-وڭاي «TopIQ.kz»-كە تىكەلەي كىرە قويامىز. پلاتفورمانىڭ ارتىقشىلىعى – كەز كەلگەن گادجەتكە جۇكتەمەي-اق جۇمىس جاساۋ مۇمكىندىگى قاراستىرىلعان. بۇل وقۋشىنىڭ دا, مۇعالىمنىڭ دە مەكتەپتە عانا ەمەس, سونىمەن بىرگە, قاشىقتان وقۋ كەزىندە دە, كانيكۋل ۋاقىتىندا دا ۋاقىتتى ۇتىمدى پايدالانۋ ءۇشىن وتە قولايلى.
پلاتفورماداعى كوركەم ادەبيەت بولىمىندەگى كىتاپتاردى پايدالانۋ ارقىلى وقۋشىلاردىڭ قازاق ءتىلى, ادەبيەت پاندەرىنەن ءبىلىم ساپاسى ارتتى, اتاپ ايتقاندا, مازمۇنداما مەن شىعارما جازۋ بويىنشا وي-ءورىسىن دامىتا جوسپار قۇرۋ, 4-5 ءۇزىندى وقۋ, ساحنالىق كورىنىس كورسەتۋ, وقىعانىنان العان اسەرىن كورسەتە الۋ, ت.ب. كوپ كومەگىن تيگىزىپ جاتىر.
وسى رەتتە بارلىق وقۋشىلارعا, اتا-انالارعا, ارىپتەستەرىمە «TopIQ.kz» زاماناۋي يننوۆاتسيالىق پلاتفورمانىڭ مۇمكىندىكتەرىن پايدالانۋعا شاقىرامىن. جازعى دەمالىستى وسى پلاتفورمادان كىتاپ وقىپ, پايدالى وتكىزەيىك!
اليا سەرىكبايقىزى,
استانا قالاسى № 82 «دارىن» مامانداندىرىلعان ليتسەيىنىڭ باستاۋىش سىنىپ مۇعالىمى
