«Nazarbayev University» جانىنداعى اقىلدى جۇيەلەر مەن جاساندى ينتەللەكت ينستيتۋتى (ISSAI) وتاندىق ينجەنەرلەر ازىرلەگەن جاڭا بۋىن جاساندى ينتەللەكت جۇيەلەرىن تانىستىردى. ولاردىڭ باستى ارتىقشىلىعى – قازاق ءتىلىن شەتەلدىك بالامالارعا قاراعاندا تەرەڭ ءتۇسىنىپ, اناعۇرلىم ءدال وڭدەي الاتىنىندا. جۇيەلەر قازاقشا سويلەم قۇرىلىمىن, تىلدىك ەرەكشەلىكتەرىن, ديالەكتيكاسىن, ءتىپتى مادەني كونتەكستى دە ەسكەرىپ, ءماتىننىڭ ماعىناسىن ساقتاي وتىرىپ جاۋاپ بەرەدى.
«ISSAI» ينجەنەرلەرى 5 ءتۇرلى جاساندى ينتەللەكت جاساعان. ءبىرىنشىسى – «Oylan 2.5». بۇل جۇيە كەز كەلگەن سۇراعىڭىزعا جاۋاپ بەرە الادى. ءتىپتى اۋديو حابارلامالاردى قابىلداپ, وڭدەۋ فۋنكتسياسى بار. بۇدان بولەك, «ISSAI» ۇسىنعان «MangiSoz 2.0» جۇيەسى سويلەۋدى تانۋ, دىبىستاۋ, اۋدارۋ قىزمەتىن اتقارادى. ال «TilSync» جۇيەسى ىلەسپە اۋدارما جاسايدى. جۇيە ءارتۇرلى ۆيدەوكونفەرەنتسيالاردا ءتۇرلى تىلدەر اراسىندا تىكەلەي اۋدارما جاساپ, اقپارات الماسۋدى جەڭىلدەتەدى. تاعى ءبىر تىڭ شەشىم – «Beynele» جاساندى ينتەللەكتى. ول تەك قازاقى ناقىشتا سۋرەت سالادى. وسى جۇيەلەردىڭ نەگىزى – «Mangitas 02» اتتى وتاندىق ينفەرەنس سەرۆەرى. بۇل – شەتەلدىك بۇلتتىق جۇيەلەردەن تاۋەلسىز, قاۋىپسىز, جەرگىلىكتى مالىمەتتەرمەن جۇمىس ىستەيتىن جي سەرۆەر. «ISSAI» باس ديرەكتورى حۋسەين اتاكان ۆارولدىڭ ايتۋىنشا, بۇل – تەك تەحنولوگيالىق ەمەس, مادەني جەتىستىك.
