س. تولىقپاەۆتىڭ ايتۋىنشا, تۋرا سول كەزدە وسكەمەندە قۇس فابريكاسى ساتىلىپ جاتتى, سونى ساتىپ الىپ, ەڭبەك جولىن باستادى. ناتيجەسىندە, 2024 جىلى «Aitas» حولدينگىنىڭ ەلدەگى قۇس ەتىن تۇتىنۋدىڭ جالپى كولەمىندەگى ۇلەسى – 26%, جەرگىلىكتى وندىرىستەگى ۇلەسى 39% بولدى.
كەيىپكەرىمىزدىڭ ايتۋىنشا, بيزنەس الەمى سىرت كوزگە قىزىلدى-جاسىلدى بولىپ جارقىراعان سيقىرلى الەم. جاراتىلىسىڭداعى انا ءسۇتى, اكە تاربيەسى عانا بولمىسىڭنىڭ اراسالماعىن تەڭ ۇستاپ تۇرادى. جەتىستىگىڭىزدىڭ 80%-ى سىزگە تيەسىلى ەمەس ەكەنىن سەزىنۋ كەرەك, سەبەبى بۇعان ءسىزدىڭ گەنەتيكاڭىز, وتباسىڭىز, دۇنيەگە كەلگەن ۋاقىتىڭىز بەن جەرىڭىز سەبەپشى بولادى.
«ەلدە جەكەشەلەندىرۋدىڭ كەزەكتى تولقىنى ءجۇرىپ جاتىر. كاپيتالىڭىز 300 ملن دوللاردان اسىپتى. ستراتەگيالىق نىسانداردىڭ ءبىرىن ساتىپ الۋدىڭ ءساتى ءتۇسىپ تۇر» دەگەن ساۋالىمىزعا بىلاي دەپ جاۋاپ بەردى:
ء«بىزدىڭ حولدينگتىڭ ستراتەگياسى قانداي دا ءبىر جەكەشەلەندىرۋگە قاتىسۋدى كوزدەمەيدى. ول كوللابوراتسيانى قامتيدى. ازىق-ت ۇلىك سالاسىندا جۇمىس ىستەيمىز جانە بۇل ءاردايىم باسەكەلى نارىق, وندا جەكەشەلەندىرۋ نىساندارى, مەملەكەتتىك مەنشىك جوق. جەكەشەلەندىرۋ مۇمكىندىگى بولسا دا قاتىسپاس ەدىم, ويتكەنى مۇندا باسقا داعدىلار قاجەت».
«Aitas» حولدينگى «ەگىستىكتەن دۇكەن سورەسىنە دەيىن» قاعيداسى بويىنشا جۇمىس ىستەيتىن 20-دان استام كومپانيانى بىرىكتىرەدى. 5 مىڭ ادامدى جۇمىسپەن قامتاماسىز ەتىپ وتىر. وسى جىلى حولدينگتى اگرارلىق شيكىزاتتان برەندكە باعدارلانعان food-كومپانياعا اينالدىرۋ جوسپارى باستالدى. قازىر ازىق-ت ۇلىك ماركەتينگىسى, ساتۋ سالاسىنداعى ماماندار مەن تاماق ءوندىرىسىنىڭ تەحنولوگتەرى اۋاداي قاجەت, دەدى.
كاسىپكەر تىكەلەي ينۆەستيتسيالاۋ ارقىلى مينوريتارلىق اكتسيونەرلەرگە اينالاتىن باستامالاردى قاراستىرىپ جاتقانىن دا مالىمدەدى.
«ماقساتىم – ەكونوميكانىڭ ناقتى سەكتورىندا بولعان كەزدە العان 25-30 جىلدىق تاجىريبەمدى 10 كومپانياعا بەرۋ. ءبىز ءتۇرلى سالالاردا بەنچماركالار ورناتىپ, وسى سالانى ينستيتۋتسيونالداندىرا الاتىن كومپانيالاردى تاڭدايمىز. ءبىزدىڭ كومپانيامىزدا سالالاردى نىعايتۋ, اشىقتىق تۇرعىسىنان اسەر ەتۋگە مۇمكىندىك بەرەتىن تاجىريبە بار دەپ ەسەپتەيمىز», دەيدى كاسىپكەر.
حولدينگ «IL-TOV» كومپانياسىنىڭ 100% اكتسياسىن 2,1 ملرد تەڭگەگە (4,1 ملن دوللارعا) ساتىپ الدى. مامىلە كومپانيانىڭ ءوز قاراجاتى ەسەبىنەن قارجىلاندىرىلدى. «IL-TOV» – قۋاتى جىلىنا 3,6 مىڭ توننا ءونىم شىعاراتىن قۇس ەتىنەن دايىن جارتىلاي فابريكاتتار شىعاراتىن كاسىپورىن. زاۋىتقا شيكىزاتتى حولدينگكە كىرەتىن ماكينسك قۇس فابريكاسى جەتكىزەدى. «زاۋىتتى ودان ءارى دامىتۋ جانە جاڭعىرتۋ بويىنشا جاقسى جوسپار بار, ول تاياۋ جىلدارى جىلىنا 10-15 مىڭ توننا قۋاتتىلىققا شىعۋعا مۇمكىندىك بەرەدى», دەيدى س.تولىقپاەۆ.
كاسىپكەر كومپانيانىڭ الەۋمەتتىك ميسسياسىن اركەز نازاردا ۇستايدى. مىسالى, بۇل ونىڭ باعىتىنىڭ ايماقتاردى تۇراقتى دامۋعا جەتەلەيتىن ءبىر تاراۋى عانا. قازىر قور 3 اۋداندا ءوز جۇمىسىن جۇرگىزىپ جاتىر: شىعىس قازاقستان وبلىسىنداعى كاتونقاراعايىع , ۇلان اۋداندارى مەن اقمولا وبلىسىنداعى بۇلاندى اۋدانى. جەرگىلىكتى قوعام, بيلىك جانە بيزنەس وكىلدەرىمەن بىرلەسىپ, اۋداننىڭ ۇزاقمەرزىمدى دامۋ ستراتەگياسى ازىرلەنگەن. ستراتەگياعا نەگىزدەلگەن ەكونوميكا, ءبىلىم, ارحيتەكتۋرا, ينفراقۇرىلىم, ەكولوگيا باعىتىنداعى كەشەندى باعدارلامالار جۇزەگە اسىرىلىپ جاتىر.
2019 جىلدان بەرى كاتونقاراعاي جانە بۇلاندى اۋداندارىندا قور 150-دەن استام جوبانى جۇزەگە اسىرىپ, جالپى سوماسى 2,2 ملرد تەڭگەدەن استام قاراجات باعىتتادى. ال اۋداندارعا تارتىلعان ينۆەستيتسيالار كولەمى
23 ملرد تەڭگەدەن استى
