جابىرلەنۋشى تاراپ وكىلى نۇرلان جۇسىپبەكوۆ 25 ءساۋىر كۇنى «Biz Birgemiz Qazaqstan» قوعامدىق بىرلەستىگىنە ەكى كومپانيانىڭ ەسەپشوتىنان 2,5 ملن تەڭگەدەن 5 ملن تەڭگە اۋدارعانىن ايتتى.
كەلەسى كۋاگەر الماتىلىق ستۋدەنت كاميلا ايدارقىزى تۋىس اپكەسىمەن بىرگە الەۋمەتتىك جەلى ارقىلى 800 مىڭ شاماسىندا قارجى جيناپ, ايىپتالۋشى باسقارعان قورعا اۋدارعان.
كۋاگەر پروكۋروردىڭ «قوردىڭ شىنايىلىعىن تەكسەردىڭىز بە؟» دەگەن ساۋالىنا ناقتى تەكسەرمەگەنىن جانە سول تۇستا كوپتەگەن تانىمال بلوگەرلەر مەن ازاماتتار قايىرىمدىلىق قارجىسىن وسى اتالعان قورعا اۋدارىپ جاتقانىنا قاراپ شەشىم قابىلداعانىن ايتتى.
تۇركىستان دراما تەاترىنىڭ باسشىسى اليحان مىرزاحان ۇلىنىڭ ايتۋىنشا تەاتردىڭ 180-نەن استام قىزمەتكەرى بىرلەسىپ سۋ تاسقىنان زارداپ شەككەندەرگە ءبىر كۇندىك جالاقىسىن, باس-اياعى 604318 تەڭگە اۋدارعان. تەاتر ۇجىمى دا قارجىنىڭ دىتتەگەن جەرىنە جەتكەن-جەتپەگەنىن تەكسەرمەگەن.
قىزدار مەكتەپ-ليتسەيىنىڭ وقۋ ءىسى جونىندەگى ورىنباسارى, تۇرىك ءتىلىنىڭ مۇعالىمى يىلماز ەلمان (قازاقستان ازاماتتىعىن العان تۇرىك) دا 2024 جىلى مامىر ايىنىڭ باسىندا مەكتەپتە قايىرىمدىلىق جارمەڭكەسىن جاساپ, جينالعان 1 ملن 704 مىڭ قارجىنى اتالعان قورعا اۋدارعان. كۋاگەر ەندى قورعا جىبەرىلگەن قارجىنى ءوندىرىپ, رەسمي مەملەكەتتىك قورعا اۋدارۋدى سۇرادى.
