قىلمىستىق زاڭناما وڭتايلاندىرىلدى

قىلمىستىق زاڭنامانى وڭتايلاندىرۋ: قۇقىقتاردى قورعاۋ جانە جاۋاپكەرشىلىكتى كۇشەيتۋ

2022 جىلعى 1 قىركۇيەكتەگى مەملەكەت باسشىسىنىڭ جولداۋىن ىسكە اسىرۋ اياسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق زاڭنامانى وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلداندى. بۇل زاڭ قىلمىستىق, قىلمىستىق-پروتسەستىك جانە قىلمىستىق-اتقارۋ كودەكستەرىنە جانە جالپى 16 زاڭنامالىق اكتىگە وزگەرىستەر ەنگىزۋدى كوزدەيدى, دەپ حابارلايدى

ماقساتتار:

نەكەگە ماجبۇرلەۋ, «ستالكينگ», «دروپپەرلىك» جانە اۋە كەمەسىن باسقارۋعا كەدەرگى جاساۋ سەكىلدى جاڭا قىلمىس قۇرامدارىن ەنگىزۋ;

ادام ءومىرى مەن دەنساۋلىعىنا قارسى قىلمىستار ءۇشىن قىلمىستىق جاۋاپكەرشىلىكتى قاتاڭداتۋ;

ازاماتتاردىڭ قۇقىقتارىن قورعاۋدى جانە قۇقىقتىق ءتارتىپتى نىعايتۋ;

قىلمىستىق ساياساتتىڭ ادىلەتتىلىگى مەن گۋمانيزمىن قامتاماسىز ەتۋ;

قىلمىستىق سوت ءىسىن جۇرگىزۋ تيىمدىلىگىن ارتتىرۋ;

قۇقىقتىق تۇراقتىلىق تەتىكتەرىن ازىرلەۋ;

زاڭناماداعى قۇقىقتىق ولقىلىقتار مەن قايشىلىقتاردى جويۋ.

زاڭ العاشقى رەسمي جاريالانعان كۇننەن كەيىن 60 كۇن وتكەن سوڭ قولدانىسقا ەنگىزىلەدى, الايدا پاراللەل قارجىلىق تەرگەۋگە قاتىستى نورمالار 2027 جىلعى 1 قاڭتاردان باستاپ كۇشىنە ەنەدى.

قۇقىقتىق تۇراقتىلىق جانە بولجامدى ساياسات

قىلمىستىق زاڭناماعا وزگەرىستەر ەندى تەك جەكە زاڭمەن, باسقا اكتىلەرگە وزگەرىستەرسىز ەنگىزىلەدى. بۇل – قۇقىقتىق تۇراقتىلىق پەن بولجامدىلىقتى قامتاماسىز ەتۋگە باعىتتالعان.

گۋمانيزاتسيا: جازا تاعايىنداۋدا جەكە كوزقاراس پەن سارالاۋ

پوجيزنەننوە ليشەنيە سۆوبودى ء(ومىر بويى باس بوستاندىعىنان ايىرۋ) ەندى جالعىز جازا رەتىندە كوزدەلگەن جاعدايدا:

جالپى تۇلعالار – 20-25 جىل,

ايەلدەر, 1 نەمەسە 2 توپ مۇگەدەكتەرى, 63 جاستان اسقان ەر ادامدار – 15-20 جىل,

كامەلەتكە تولماعاندار – 15 جىل باس بوستاندىعىنان ايىرىلادى.

ەكونوميكالىق قىلمىستار مەن كەيبىر ۇرلىق تۇرلەرى ءۇشىن (الاياقتىق, ىسىراپ ەتۋ, يەمدەنۋ) ەسەلەنگەن ايىپپۇل ەنگىزىلدى – بۇل تۇرمەگە قاماۋعا بالاما رەتىندە قاراستىرىلادى.

ۇيىمداسقان قىلمىستىق توپ رەتىندە تانۋ ەندى تەك شتاتتىق قۇرىلىمعا قاراپ ەمەس, ناقتى قىلمىستىق بايلانىس دالەلدەنگەن جاعدايدا عانا مۇمكىن بولادى.

4) قارجىلىق پاراللەل تەرگەۋ ەنگىزىلدى

تەرگەۋ بارىسىندا م ۇلىكتىڭ زاڭسىز جولمەن الىنعانى, قىلمىستىق كىرىس بولىپ تابىلاتىنى دالەلدەنسە, ول قاي جەردە جانە كىمنىڭ يەلىگىندە بولسا دا مەملەكەت كىرىسىنە تاركىلەنەدى.

بۇل حالىقارالىق ىنتىماقتاستىقتى دا قامتيتىن ماڭىزدى جاڭا مەحانيزم.