فوتو: مادەنيەت جانە اقپارات مينيسترلىگى
مادەنيەت جانە اقپارات مينيسترلىگىنىڭ ءباسپاسوز قىزمەتىنىڭ مالىمدەۋىنشە كەزدەسۋ بارىسىندا تۇجىرىمدامالىق قۇجاتتىڭ مازمۇندىق اسپەكتىلەرى, قوعامدىق كەلىسىم مەن ەتنوسارالىق ۇيلەسىمدى نىعايتۋ سالاسىنداعى ستراتەگيالىق باسىمدىقتار تالقىلاندى. قاتىسۋشىلار بولىمدەر بويىنشا ۇسىنىستارىن ءبىلدىرىپ, نەگىزگى يدەيالارىمەن جانە تۇجىرىمدامالىق تاسىلدەرىمەن ءبولىستى.
تالقىلاۋ بارىسىندا باستى باعىتتار بويىنشا ورتاق ۇستانىمدار ايقىندالىپ, قوسىمشا زەرتتەۋدى جانە ناقتىلاۋدى قاجەت ەتەتىن ماسەلەلەر بەلگىلەندى.
ءوز كەزەگىندە, ۆيتسە-مينيستر ەۆگەني دميتريەۆيچ تۇجىرىمدامانىڭ تۇتاستىعىن جانە ونى ءىس جۇزىندە قولدانۋدىڭ ماڭىزدىلىعىن اتاپ ءوتتى, سونداي-اق قۇجاتتا قازىرگى زامانعى سىن-قاتەرلەر مەن مەملەكەتتىك ساياساتتىڭ باسىمدىقتارى كورىنىس تابۋى قاجەتتىگىن جەتكىزدى.
ناتيجەسىندە, كەڭەس بارىسىندا ايتىلعان ۇسىنىستاردى ەسكەرە وتىرىپ, تۇجىرىمدامانى ودان ءارى جەتىلدىرۋ تۋرالى شەشىم قابىلداندى. اتالعان ستراتەگيالىق قۇجاتتى ازىرلەۋ جۇمىستارى سالالىق ماماندارمەن جانە ساراپشىلار قاۋىمداستىعىمەن تىعىز ءوزارا ءىس-قيمىلدا جالعاسىپ جاتىر.
