بۇگىنگى تاڭدا اتالعان نىسانداردىڭ تەك عيمارات قاڭقاسى عانا تۇرعىزىلعان. 2,3 ملرد تەڭگە كولەمىندە قارجى جۇمسالعانىمەن, قۇرىلىس ساپاسىنا بايلانىستى قابىرعالاردا جارىقتار پايدا بولىپ, نىساندار اپاتتىق دەپ تانىلعان. وسىعان وراي جەرگىلىكتى اكىمدىك قۇرىلىس جۇمىستارىن ۋاقىتشا توقتاتۋعا ءماجبۇر بولعان.
كەزدەسۋ بارىسىندا تۇرعىندار مەن جەرگىلىكتى بيلىك وكىلدەرى بۇل تۇرعىن ۇيلەردىڭ اياقتالۋى باسپانا كەزەگىندە تۇرعان ازاماتتار ءۇشىن اسا ماڭىزدى ەكەنىن جەتكىزدى. قازىرگى تاڭدا ىشكى ارلەۋ, ينجەنەرلىك جۇيەلەردى تارتۋ جانە اۋماقتى اباتتاندىرۋ جۇمىستارى جۇرگىزىلمەگەن.
ەربولات ساۋرىقوۆ بۇل ماسەلەنىڭ الەۋمەتتىك ماڭىزىن اتاپ ءوتىپ, ونى جاۋاپتى مەملەكەتتىك ورگاندارمەن بىرلەسە قاراپ, شەشۋ جولدارىن قاراستىرۋ قاجەتتىگىن ايتتى. سونىمەن قاتار ول نىسانعا قاتىستى ناقتى قورىتىندى شىعارۋ ءۇشىن قۇرىلىس سالاسىنداعى مامانداندىرىلعان ۇيىم «قازقسعزي» اق-نان (قازاقستان قۇرىلىس عىلىمي-زەرتتەۋ جانە جوبالاۋ ينستيتۋتى) ارنايى ساراپشىلار شاقىرۋدى ۇسىندى.
«بۇل ۇيلەردىڭ تاعدىرى تەك يساتاي اۋدانىنىڭ تۇرعىندارى ءۇشىن عانا ەمەس, جالپى وڭىرلىك دامۋعا تىكەلەي اسەر ەتەتىن ماڭىزدى ماسەلە. جاعدايدى مۇقيات زەرتتەپ, ناقتى شەشىم قابىلداۋ قاجەت», دەدى دەپۋتات.
ءماجىلىس دەپۋتاتى نىساننىڭ ءارى قارايعى تاعدىرى ءجىتى باقىلاۋدا بولاتىنىن, كەرەك بولسا دەپۋتاتتىق ساۋال جولدايتىنىن ايتتى.
