فوتو: استانا اكىمدىگى
4 شاقىرىمدىق قاشىقتىققا جالعاسقان جۇگىرىس ارباتتاعى كەنەسارى حان ەسكەرتكىشىنىڭ الدىنان باستالىپ, ىرىسكەلدى قاجى مەشىتىنىڭ جانىندا مارەسىنە جەتتى.
قالا اكىمدىگىنىڭ سپورتتىق-بۇقارالىق ءىس-شارالاردى وتكىزۋ ديرەكتسياسى باسشىسىنىڭ ورىنباسارى ەرجىگىت وسەربايدىڭ ايتۋىنشا قاتىسۋشىلار اسەرلەرىمەن ءبولىسىپ, رازى بولىپ جاتىر. جۇگىرۋدەن جارىس ءجيى ۇيىمداستىرىلسا دا مەدالدار ۇنەمى جاڭارتىلىپ تۇرادى, بۇنىڭ ءوزى قوسىمشا ەموتسيا بەرەتىندىگى ءسوزسىز.
«جۇگىرىستىڭ ارقاسىندا قالا تۇرعىندارى دەمالىستىڭ تاڭىن سپورتپەن باستاۋدى ادەتكە اينالدىرىپ كەلەدى. قازىردىڭ وزىندە وتباسىمەن بىرگە تولىقتاي قاتىساتىنداردىڭ سانى ارتىپ جاتقانى انىق بايقالادى. ەلوردامىزدا جۇگىرۋ مەن ۆەلوشەرۋدەن وزگە بۇقارالىق سپورتتىڭ دا ءتۇرىن وتكىزۋگە اتسالىسىپ جاتىرمىز», دەدى ە.وسەرباي.
ەلوردا اكىمدىگىنىڭ رەسمي سايتىنىڭ حابارلاۋىنشا جارىسقا 1000-عا جۋىق اۋەسقوي جۇگىرۋشى قاتىسىپ, 9:00-دە 4 شاقىرىمدىق قاشىقتىقتى باستاپ كەتتى.
«10 جىلدان استام ۋاقىت بويى جۇگىرىپ كەلەمىن. بۇگىندە جۇگىرۋ ادەت بولىپ كەتتى. سالاۋاتتى ءومىر سالتىن ءوزىم ارقىلى ناسيحاتتاعاننىڭ ارقاسىندا وزگە تانىستارىم دا وسى جولدى تاڭدادى», دەدى جارىسقا قاتىسۋشى جانسۇلتان قالداروۆ.
بۇقارالىق جۇگىرىستىڭ سوڭىندا ادەتتەگىدەي قاتىسۋشىلاردىڭ اراسىندا ۆەلوسيپەد ويناتىلىپ, ەستەلىك مەدال بەرىلدى.
