شىمكەنتتە 200- دەن استام مەشىت بولسا, سونىڭ وتىزعا جۋىق ءدىن قىزمەتكەرى جارىستا شاحماتتىڭ جىلدام ءتۇرى ياعني راپيد بويىنشا باق سىنادى. ۇيىمداستىرۋشىلار شاحمات زياتكەرلىك ويىن, سوندىقتان يمامداردىڭ رۋحاني ىلىمىمەن قوسا زياتكەرلىك قابىلەتىن دە دامىتۋدى ماقسات تۇتقاندارىن ايتادى.
«شاحماتتان وتكەن سپورتتىق ويىن يمامدار اراسىندا ۇيىمداستىرىلعان العاشقى سپورتتىق باسەكە. قازاقستان مۇسىلماندارى ءدىني باسقارماسى دىنمەن بىرگە ادامنىڭ فيزيكالىق, اقىل-ويىنىڭ دۇرىس دامىپ, قالىپتاسۋىن قولدايدى. وسىعان بايلانىستى ءمۇفتيات جىل سايىن ءتۇرلى باعىتتا سپورتتىق ءىس-شارالاردى قولعا الىپ كەلەدى. شاحمات جونىندە ايتساق, بۇل ادامنىڭ وي ءورىسىن دامىتاتىن ويىن. سوندىقتان ادام شاحماتتى ۇيرەنىپ ونى ءاردايىم ويناپ تۇرۋ كەرەك. شاحمات ۇلتتىڭ قانشالىقتى زياتكەر اقىلدى ەكەنىن كورسەتەدى. دامىعان مەملەكەتتەردە سوندىقتان حالىق شاحمات ويناعاندى جاقسى كورەدى. ءبىزدىڭ ەلدە دە شاحمات جاقسى دامىپ كەلەدى. ءتىپتى بۇل جونىندە پرەزيدەنت شاحماتتى مەكتەپ باعدارلاماسىنا ەنگىزۋ كەرەكتىگى جايىندا ارنايى باستاما كوتەرگەنى بەلگىلى. سول ءۇشىن دە مەملەكەت باسشىسىنىڭ باستاماسىن قولداۋ ماقساتىندا ەلىمىزدىڭ مۇسىلماندار ءدىني بىرلەستىگى شاحماتتان ۇلكەن تۋرنير ۇيىمداستىردى» دەدى شىمكەنت قالاسى ورتالىق مەشىتى يمامىنىڭ ورىنباسارى احمەتجان كەرىمبەك.
شاحماتتان تۋرنير كەلەشەكتە ءداستۇرلى سپورتتىق باسەكە بولادى دەگەن بولجام بار. ال كەشەگى جارىستىڭ جۇلدە قورى 200 مىڭ تەڭگەنى قۇرادى. تۋرينردە ورىن العان بارلىق جەڭىمپازدار باعالى سىيلىقتارمەن ماراپاتتالدى.
شىمكەنت
