اتالعان كوميتەت توراعاسىنىڭ ايتۋىنشا, بەج – بۇل مەملەكەتكە ويىن بيزنەسىن ۇيىمداستىرۋشىلار ارقىلى جاسالعان ءاربىر ءباس تىگۋدى باقىلاۋعا مۇمكىندىك بەرەتىن تسيفرلىق قۇرال. بۇل رەتتە قۇمار ويىندار نارىعىن رەتتەۋدەن بولەك, دەنە شىنىقتىرۋ مەن سپورتتى دامىتۋعا, سونداي-اق الەۋمەتتىك ماڭىزى بار جوبالارعا مىندەتتى اۋدارىمدار ارقىلى بۋكمەكەرلىك كومپانيالاردىڭ الەۋمەتتىك جاۋاپكەرشىلىگى تەتىگىن ىسكە اسىرۋ كوزدەلگەن.
ء«ار ستاۆكانىڭ 1%-ى سپورتتى, بالالار مەن بۇقارالىق سپورتتى دامىتۋعا, الەۋمەتتىك جوبالاردى ىسكە اسىرۋعا باعىتتالماق. ياعني, بۋكمەكەرلەر ەلدىڭ دامۋىنا ينۆەستيتسيا سالادى. جىلىنا 15 ملرد تەڭگە ءبىزدىڭ سپورتقا جانە قازاقستانعا وتە جاقسى كومەك», دەپ اتاپ ءوتتى ادىلەت تۇرعانباەۆ.
سپيكەردىڭ ايتۋىنشا, بەج قۇمار ويىندار نارىعىنىڭ زاڭسىز سەكتورىمەن كۇرەسەدى. ازاماتتارىمىزدىڭ كەيبىرى زاڭسىز بۋكمەكەرلىك كومپانيالاردىڭ جەلىلەرىنە بارادى, ولار ەشقانداي سالىق تولەمەيدى جانە اقشا وففشورلارعا كەتەدى.
ء«بىز زاڭدى سايتتاردان باسقا بارلىق سايتتاردى بۇعاتتايمىز. مىسالى, بىزدە زاڭدى بۋكمەكەرلىك كەڭسەلەر جانە كازينولار بار, ولاردىڭ زاڭدى سايتتارى بار. ءبىز بۇل سۋبەكتىلەردى «اق تىزىمگە» ەنگىزەمىز. جۇيەنىڭ قالعان بولىگى كىلت سوزدەر مەن مازمۇنى بويىنشا اۆتوماتتى تۇردە بۇعاتتالادى», دەپ اتاپ ءوتتى ءا.تۇرعانباەۆ.
سونىمەن قاتار, ول جۇيەنى باقىلاۋ تولىعىمەن مەملەكەتتىڭ قولىندا بولاتىنىن اتاپ ءوتتى. بۇل تاجىريبە بۇكىل الەمدە كەڭ تارالعان, كەيبىر ەلدەردە تولىق مەملەكەتتىك مونوپوليا بار. قازاقستاندا جۇمساق جول تاڭدالدى, ويىن بيزنەسى جەكە سەكتوردا قالادى, بىراق مەملەكەتتىڭ باقىلاۋىندا بولادى.
