فوتو: senate.parlam.kz
جيناقتا ءبىلىم بەرۋدەگى ينكليۋزيا, ازاماتتاردىڭ ەكونوميكالىق جانە ساياسي قۇقىقتارى مەن مۇمكىندىكتەرىن قامتاماسىز ەتۋدەگى گەندەرلىك تەپە-تەڭدىك, جاسىل ەنەرگەتيكانى دامىتۋ, ەڭبەك كوشى-قونى, وڭدەۋشى ونەركاسىپتى دامىتۋ, زاڭ شىعارۋداعى AI جانە ورتالىق ازياداعى ورنىقتى دامۋ ماسەلەلەرىن قوزعايتىن جەتى باعىت بويىنشا زەرتتەۋلەر دايىنداعان 14 توپتىڭ جۇمىسى بار.
سەنات توراعاسى ماۋلەن اشىمباەۆ وسىدان بۇرىن جيناقتىڭ تۇساۋكەسەرى بارىسىندا ەلىمىزدىڭ زياتكەرلىك الەۋەتىن ودان ءارى نىعايتۋ بويىنشا سەنات جۇرگىزىپ جاتقان جۇمىستىڭ ماڭىزدىلىعىن اتاپ وتكەن ەدى.
«وسى جيناقتان كەيىن «تالداۋ مەكتەبىنىڭ» ءتورتىنشى لەگىنە قاتىسۋشىلار وزدەرىن تەك تۇلەكتەر رەتىندە ەمەس, سونىمەن قاتار شەشىم قابىلدايتىن ازاماتتارعا جانە ەل دامۋىنىڭ وزەكتى ماسەلەلەرىنە قىزىعۋشىلىق تانىتاتىن كەڭ اۋديتورياعا قولجەتىمدى تولىققاندى تالدامالىق باسىلىمنىڭ اۆتورلارى دەپ اتاي الادى. سەنات جانىنداعى ساراپشىلار كلۋبى مەن «تالداۋ مەكتەبى» – ەلىمىزدىڭ زياتكەرلىك الەۋەتىن قالىپتاستىرىپ, نىعايتۋعا قوسقان ءبىزدىڭ ۇلەسىمىز. وسىنداي باستامالار ارقىلى پرەزيدەنت قاسىم-جومارت توقاەۆ جاريالاعان «ادال ازامات» تۇجىرىمداماسىنىڭ نەگىزگى قۇندىلىقتارىن دارىپتەيمىز. ولار – ءبىلىم, ازاماتتىق ءوسۋ, پاتريوتيزم جانە قوعام مۇددەسىنە قىزمەت ەتۋگە دايىن بولۋ», دەدى م.اشىمباەۆ.
جيناق پارلامەنت دەپۋتاتتارىنا, سالالىق مەملەكەتتىك ورگاندارعا, تالداۋ ورتالىقتارىنا, ۋنيۆەرسيتەتتەرگە جىبەرىلەدى.
