ساتىلىمعا قويىلعان باعالى زاتتاردىڭ ىشىندە «قازاقتىڭ ۇلتتىق ويىندارى مەن داستۇرلەرى» سەرياسىنان شىعارىلعان كۇمىس مونەتالار بار. اتاپ ايتقاندا, «باتا», «بەتاشار» جانە ءتورت دانا ء«سۇيىندىر» مونەتالارى ۇسىنىلعان. سونىمەن قاتار ەكى دانا «شىڭعىس حان» جانە ءبىر دانا «Chinggis Khan اسكەرلەرى» اتتى 500 تەڭگەلىك مونەتالار دا بار.
بارلىق زاتتار جاڭا كۇيىندە ساقتالعان, كوبى تۇپنۇسقا قورابىمەن نەمەسە ارنايى فۋتلياردا ۇسىنىلىپ وتىر.
اۋكتسيون مەملەكەت مەنشىگىنە قايتارىلعان اكتيۆتەردى ىسكە اسىرۋ شەڭبەرىندە وتكىزىلىپ جاتىر. رەسمي قۇجاتتاردا بۇل بۇيىمداردىڭ ناقتى يەسى كورسەتىلمەگەنىمەن, ولاردىڭ قايرات ساتىبالدىمەن بايلانىسى بولۋى مۇمكىن دەگەن بولجام بار.
ەسكە سالساق, 2024 جىلى قازاقستاننىڭ باس پروكۋراتۋراسى قايرات ساتىبالدى مەن ونىڭ اينالاسىنان جۇزدەگەن ميلليون تەڭگە تۇراتىن 174 ءسان-سالتانات بۇيىمىن – ەكسكليۋزيۆتى اشەكەيلەردى, برەندتىك ساعاتتار مەن سيرەك كەزدەسەتىن كوللەكتسيالىق مونەتالاردى تاركىلەگەنىن حابارلاعان ەدى.
