فوتو: اشىق دەرەككوز
باس كولىك پروكۋراتۋراسىنىڭ حابارلاۋىنشا, وقيعا ازاماتتىڭ ۇشاققا كەشىگىپ كەلۋىمەن باستالعان. اشۋعا بوي الدىرعان ەر ادام اۋەجاي اۋماعىندا قوعامدىق قاۋىپسىزدىكتى قامتاماسىز ەتىپ جۇرگەن پوليتسيا قىزمەتكەرلەرىنىڭ زاڭدى تالاپتارىنا باعىنۋدان باس تارتقان.
«تەرگەۋ بارىسىندا ەر ادامنىڭ پوليتسەيلەردىڭ تالاپتارىن ەلەمەي, ولارعا بالاعات سوزدەر ايتىپ, دەنساۋلىققا زيان كەلتىرۋمەن اشىق قورقىتقانى انىقتالدى. ونىڭ ارەكەتى بيلىك وكىلدەرىنە قارسى قىلمىس رەتىندە باعالاندى», دەلىنگەن حابارلامادا.
سوت پروتسەسى بارىسىندا مەملەكەتتىك ايىپتاۋشى كىنانى دالەلدەيتىن ناقتى جانە بۇلتارتپاس ايعاقتار ۇسىنعان. ناتيجەسىندە ەر ادام كىنالى دەپ تانىلىپ, وعان 1 جىل 1 اي مەرزىمگە بوستاندىعىن شەكتەۋ جازاسى تاعايىندالعان.
سوت ۇكىمى زاڭدى كۇشىنە ەندى.
