فوتو: Qazsporttv
كۋميتە جانە كاتا باعدارلاماسى بويىنشا جۇلدەگە تالاساتىن سپورتشىلار تۋرنيردە مىناداي جاس ەرەكشەلىكتەرىن قامتيدى: جاسوسپىرىمدەر (12-13 جاس), يۋنيورلار (14-17 جاس), جاستار (18-20 جاس), ەرەسەكتەر (18 جاستان اسقاندار).
Qazsporttv مالىمەتىنشە ەلىمىزدىڭ نامىسىن الەم جانە ازيا دودالارىنىڭ جۇلدەگەرلەرى مەن چەمپيوندارى – ءاليحان قادىرعالي, ۆەنەرا جاقسىباەۆا, ولجاس التىنبەك, ميراس ابدىقادىر, سۇڭقار قانيبەك سەكىلدى ۇزدىك سپورتشىلار قورعايدى.
Kazakhstan Open حالىقارالىق ءتۋرنيرى قازاقستان قۇراماسى ءۇشىن رەيتينگتىك جارىس سانالادى. ونىڭ قورىتىندىسى بويىنشا جاستار قۇراماسى جاساقتالىپ, بيىل قىركۇيەكتە قىتايدىڭ حانچجوۋ قالاسىندا وتەتىن ازيا چەمپيوناتىنا جولداما الادى.
