فوتو: ءماجىلىستىڭ ءباسپاسوز قىزمەتى
كانالدىڭ جابدىقتارى 50 جىلدان استام ۋاقىت بويى ۇزدىكسىز پايدالانىلىپ, ابدەن توزعان. وسىعان بايلانىستى ەنەرگەتيكالىق جانە گيدرومەحانيكالىق جۇيەلەردى قايتا جاڭعىرتۋ جۇمىستارى قولعا الىنىپ, №1 سورعى ستانتسياسىنىڭ رەكونسترۋكتسياسى باستالدى. سونىمەن قاتار, 2025 جىلى بەس جاڭا سورعى اگرەگاتى جەتكىزىلەدى دەپ كۇتىلۋدە. بۇل ماقساتتا «ۋرالگيدروماش» اق-مەن كەلىسىمشارت جاسالعان. جالپى العاندا, 2028 جىلعا دەيىن 19 دانا گيدروجابدىقتى اۋىستىرۋ جوسپارلانعان.
«قانىش ساتباەۆ اتىنداعى كانال – ورتالىق قازاقستان ءۇشىن نەگىزگى سۋ ارناسى. ول پاۆلودار, قاراعاندى, اقمولا وبلىستارى مەن استانا قالاسىنىڭ ەلدىمەكەندەرىن جانەمكاسىپورىندارىن اۋىزمسۋمەن قامتاماسىز ەتەدى. بۇل – شىنىمەن دە بىرەگەي ءارى ستراتەگيالىق ماڭىزى بار نىسان. الايدا ۇزاق جىلدار بويى شەشىمىن تاپپاي كەلە جاتقان ماڭىزدى ماسەلە بار. جابدىقتاردىڭ 90 پايىزدان استامى توزعان, كەيبىر سورعى اگرەگاتتارىن شۇعىل اۋىستىرۋ قاجەت. مىسالى, بيىل جانە كەلەسى جىلى قۇنى شامامەن 11 ميلليارد تەڭگە بولاتىن بەس سورعى اگرەگاتىن اۋىستىرۋ جوسپارلانعان. قاراجاتتىڭ ءبىر بولىگى ءبولىندى, الايدا بۇل جەتكىلىكسىز. تاعى 14 سورعى ءۇشىن قوسىمشا قارجى قاجەت», دەدى ۆ.كيم.
نۇرجان اشىمبەتوۆ وتكەن جىلى №2 ستانتسيادا ورىن العان ءىرى اپاتتى ەسكە سالىپ, بۇل جاعداي جابدىقتاردى شۇعىل جاڭعىرتۋدى قاجەت ەتكەنىن ايتتى.
«پاۆلودار جانە قاراعاندى وبلىستارىنان سايلانعان سەگىزىنشى شاقىرىلىم دەپۋتاتتارىنىڭ باستاماسىمەن بۇل ماسەلە رەسپۋبليكالىق دەڭگەيدە كوتەرىلدى. بۇگىندە كانالدىڭ رەكونسترۋكتسياسىنا بيۋدجەتتەن 12 ميلليارد تەڭگەدەن استام قاراجات ءبولىندى», دەدى دەپۋتات نۇرجان اشىمبەتوۆ.
دەپۋتات جارقىنبەك امانتايدىڭ سوزىنشە, كانال سۋى تەك ونەركاسىپ پەن اۋىل شارۋاشىلىعىن عانا ەمەس, سونداي-اق ەلوردانىڭ سۋ تاپشىلىعى ماسەلەسىن دە شەشۋگە ىقپال ەتەدى. ءماجىلىس دەپۋتاتتارى جوبانىڭ جۇزەگە اسىرىلۋىن جانە ونىڭ تۇراقتى قارجىلاندىرىلۋىن قاتاڭ باقىلاۋدا ۇستايتىندارىن مالىمدەدى.
