قۋىرشاقتىڭ بىلەگىندە قانداعى قانت مولشەرىن ۇزدىكسىز باقىلاۋعا ارنالعان CGM قۇرىلعىسى (كونتينۋالدى گليۋكوزا مونيتورينگى) ورناتىلعان. ال بەلىندە – ءينسۋليندى اۆتوماتتى تۇردە ەنگىزەتىن ارنايى ينسۋلين ەنگىزەتىن قۇرىلعى بار. مۇنداي قۇرىلعىلار قانت ديابەتىنىڭ 1-تيپىمەن اۋىراتىن بالالاردىڭ ومىرىندە ءجيى كەزدەسەدى. دەگەنمەن قۋىرشاقتىڭ ءوزى بيولوگيالىق تۇرعىدان ەشقانداي ناقتى قىزمەت اتقارمايدى, ياعني قۋىرشاقتىڭ ىشىندە قان جوق, قۇرىلعىلار تەك سىرتقى پىشىنىمەن بەينەلەنگەن.
Mattel بۇل ۇلگىنى Breakthrough T1D حالىقارالىق ۇيىمىمەن بىرلەسە ازىرلەدى. ۇيىم 1-ءتيپتى ديابەتكە شالدىققان جانداردى قولداۋمەن اينالىسادى. كومپانيا وكىلدەرى بۇل باستاما ارقىلى وزىندىك ەرەكشەلىگى بار بالالاردىڭ ويىننان ءوز بەينەسىن كورۋىنە مۇمكىندىك بەرىپ, ولاردى جالعىز ەمەس ەكەنىنە سەندىرگىسى كەلەدى.
جاڭا ءباربيدىڭ كيىمى – كوك ءتۇستى جەيدە پەن بۇرشاقتى بەلدەمشە – ديابەت جايلى حالىقارالىق اقپاراتتاندىرۋ قوزعالىسىنىڭ سيمۆوليكاسىنا نەگىزدەلگەن. سونىمەن بىرگە, Mattel كومپانياسى تانىمال مودەل كەيت موستىڭ قىزى, 12 جاسىندا قانت ديابەتى انىقتالعان ليلا موستىڭ بەينەسىندەگى قۋىرشاقتى دا ۇسىندى.
Mattel سوڭعى جىلدارى باربي سەرياسىن ارتاراپتاندىرۋعا ەرەكشە نازار اۋدارىپ كەلەدى. بۇعان دەيىن كومپانيا دەنە ءبىتىمى ءارتۇرلى, بويى الاسا نە ۇزىن, كورۋ قابىلەتى تومەن, سونداي-اق داۋن سيندرومى بار كەيىپكەرلەردى ويىن الەمىنە ەنگىزگەن بولاتىن.
