فوتو: info.homsters.kz
بيۋرو ەسەبىنە ساي جاڭا تۇرعىن ءۇيدىڭ 1 شارشى مەترى 647 728 تەڭگەنى قۇرايتىن الماتى پاتەرلەرى ەلدەگى ەڭ قىمبات باسپانا باعاسى بولىپ وتىر.
ودان كەيىنگى ساتىدا استاناداعى پاتەر باعاسى ەكەنى انىقتالدى. ەلوردادا جاڭا پاتەردىڭ 1 شارشى مەترى - 593 764 تەڭگە. شىمكەنتتەگى جاڭا پاتەرلەردىڭ شارشى مەترى - 502 636 تەڭگەنى قۇراعان.
ال شارشى مەترى ەڭ ارزان جاڭا پاتەرلەر ورال قالاسىندا - 286 288 تەڭگە. بۇل ءتىزىمدى اقتوبە (301 175 تەڭگە) جانە كوكشەتاۋ (331 988 تەڭگە) قالالارى جالعايدى.
الماتى جابدىقتالعان تۇرعىن ءۇيدى جالعا بەرۋ باعاسى جونىنەن دە «كوش باستادى». المالى شاھارداعى جالدامالى پاتەرلەردىڭ 1 شارشى مەترى - 5 275 تەڭگە. ال استانالىقتار پاتەردىڭ شارشى مەترىنە 4 966 تەڭگە تولەيدى. قاراعاندى دا بۇل كورسەتكىش باس قالا باعاسىمەن شامالاس - 4 420 تەڭگە. جەزقازعاندىقتار دا اي سايىن پاتەر اقىسىنىڭ ءار شارشى مەترىنە - 4 013 تەڭگەسىن ءتۇيىپ وتىر.
