ءىس-شاراعا مينيسترلىك وكىلدەرى, بەلگىلى تاريحشىلار مەن گەرالديكا سالاسىنىڭ ماماندارى, زەرتتەۋشىلەر مەن ءتۇرلى سالا ساراپشىلارى قاتىستى.
كلۋب جۇمىسىنىڭ نەگىزگى ماقساتى – مەملەكەتتىك رامىزدەر مەن گەرالديكالىق بەلگىلەردى زەرتتەۋ, ولاردى ناسيحاتتاۋ جانە وسى باعىتتاعى عىلىمي-تاجىريبەلىك ماسەلەلەردى سارالاۋ.
وتىرىستا مەملەكەتتىك رامىزدەردىڭ ەلدىك سانا مەن ۇلتتىق بىرەگەيلىكتى نىعايتۋداعى ماڭىزى, گەرالديكالىق ساياساتتىڭ عىلىمي نەگىزدەلۋى قاجەتتىگى ايتىلدى. سونداي-اق, قازاق گەرالديكاسىنىڭ دامۋ باعىتتارى مەن زاماناۋي تالاپتارعا ساي جەتىلدىرۋ جولدارى كەڭىنەن تالقىلاندى.
قاتىسۋشىلار مەملەكەتتىك رامىزدەردى ناسيحاتتاۋدا تسيفرلىق مەديا قۇرالدارىن ءتيىمدى پايدالانۋ, وقۋلىقتار مەن تانىمدىق ماتەريالداردا گەرالديكالىق تاقىرىپتى كەڭىنەن قامتۋ, سونداي-اق ۆەدومستۆولىق ناگرادالار مەن وڭىرلىك نىشاندار جۇيەسىن بىرىزدەندىرۋ ماسەلەلەرىنە ەرەكشە نازار اۋداردى.
سونىمەن قاتار, جاستار اراسىندا رامىزدەرگە دەگەن قۇرمەتتى ارتتىرۋدىڭ جولدارى, سالانىڭ نورماتيۆتىك-قۇقىقتىق بازاسىن جەتىلدىرۋ جانە حالىقارالىق تاجىريبەنى ەنگىزۋ ماسەلەلەرى دە قوزعالدى.
