بۇل - سوڭعى ءۇش جىلدا وڭىردە جۇزەگە اسىرىلعان ون ەكىنشى ينۆەست جوبا. قۇنى - 800 ميلليون تەڭگە. زاۆود جىلىنا 5 ميلليون دانا ساپالى رەسپيراتورلار مەن سۇزگى ماسكالارىن وندىرەدى. جوبانى جۇزەگە اسىرۋشى - «Ulytau Industrial Company» جشس.
بۇل ءوڭىردىڭ ونەركاسىپ الەۋەتىن نىعايتىپ, وتاندىق وندىرۋشىلەردى دامىتۋعا ىقپال ەتەدى.
زاۋىتتىڭ اشىلۋ سالتاناتىنا ارنايى قاتىسقان ۇلىتاۋ وبلىسىنىڭ اكىمى داستان رىسپەكوۆ:
«وبلىس اكىمدىگى ينۆەستيتسيالاردى تارتۋ جانە كاسىپكەرلىكتى قولداۋ جۇمىستارىن باسىم مىندەت رەتىندە قاراستىرادى. ءبىز ينۆەستورلارعا قولايلى جاعداي جاساۋعا, ءتيىستى كەدەرگىلەردى ازايتۋعا جانە ءوڭىردىڭ ەكونوميكالىق الەۋەتىن ارتتىرۋعا باعىتتالعان شارالاردى جالعاستىرا بەرەمىز», دەدى.
2024 جىلى ۇلىتاۋ وبلىسىندا جالپى سوماسى 34 ملرد تەڭگەگە 9 ينۆەستيتسيالىق جوبا ىسكە اسىرىلدى. وسى جوبا اياسىندا 200-دەن استام جاڭا جۇمىس ورنى قۇرىلدى.
2025 جىلى وڭىردە جالپى قۇنى 138 ملرد تەڭگەگە 17 ينۆەستيتسيالىق جوبانى ىسكە اسىرۋ جوسپارلانعان.
«ازىرگە ۇلىتاۋ وبلىسىنىڭ ءوندىرىس, كاسىپورىندارىن قامتاماسىز ەتەمىز. كۇزگە قاراي قۋاتتىلىعىمىزدى ارتتىرىپ, قازاقستان نارىعىنا شىعۋدى جوسپارلاپ وتىرمىز. ول ۋاقىتتا ونىمدەرىمىزدىڭ سانى ارتىپ, قىزمەتكەرلەر سانى دا كوبەيەدى», دەيدى ينۆەستور قالمۇرات ماديشەۆ.
ۇلىتاۋ وبلىسى
