سايوتەستەگى العاشقى بارلاۋ ۇڭعىماسىن بۇرعىلاۋ جۇمىسىنىڭ باستالۋىنا اۋدان اكىمى عالىمجان نيازوۆ, ەنەرگەتيكا مينيسترلىگى كومىرسۋتەكتەر جانە جەر قويناۋىن پايدالانۋ سالاسىنداعى مەملەكەتتىك باقىلاۋ دەپارتامەنتىنىڭ ديرەكتورى نۇرلىبەك بەرديەۆ, «Sinopec» كومپانياسىنىڭ باس ديرەكتورى چجاو تسيۋانمين, قحر باس كونسۋلى گو يۋي ساتتىلىك تىلەپ, جۇمىس بىرلەسكەن ءىس-قيمىلدىڭ ناتيجەسى ەكەنىن اتاپ ءوتتى.
– بۇل باستاما جەر قويناۋىن زەرتتەۋ اياسىن كەڭەيتىپ, ەلىمىزدە مۇناي-گاز سالاسىنىڭ دامۋىنا جاڭا سەرپىن بەرەدى. بۇرعىلاۋ جۇمىسى ءساتتى, قاۋىپسىز ءارى تابىستى وتۋىنە تىلەكتەسپىز, – دەدى ع.نيازوۆ.
ينۆەستيتسيالىق جوبا اياسىندا 2024–2025 جىلدارى س-1 ۇڭعىماسىن, 2026–2027 جىلدارى س-2 ۇڭعىماسىن بۇرعىلاۋ جۇرگىزىلەدى. بۇل جۇمىس ءوڭىر ەكونوميكاسىنىڭ دامۋىنا, جاڭا مۇمكىندىكتىڭ پايدا بولۋىنا زور ىقپال ەتەدى.
