سول ۋاقىتتان بەرى وڭىردە ەسىرتكى ءوسىرۋدىڭ 21 دەرەگى انىقتالىپتى. بۇگىندە وبلىس اۋماعىندا ەسىرتكى تاسىمالداۋ جولىن انىقتاۋ ءۇشىن 6 ارنايى بەكەت قۇرىلعان. بۇل نىساندارعا جەرگىلىكتى پوليتسيا, كينولوگيا قىزمەتى, ارنايى جاساقتار جۇمىلدىرىلعان.
بارلىق اۋداندىق پوليتسيا بولىمدەرىندە ءموبيلدى-ىزدەستىرۋ جانە جەدەل-تەرگەۋ توپتارى جاساقتالىپتى. «قاراسورا–2025» وپەراتسياسى 31-ءشى قازانعا دەيىن جالعاسادى.
ء«ىس-شارا كەزىندە بارلىعى 38 ەسىرتكى قۇقىق بۇزۋشىلىقتارى انىقتالسا, ونىڭ ىشىندە 21 دەرەگى ەسىرتكى ءوسىرۋ, 4 دەرەگى ونى وتكىزۋ, 1 دەرەگى جارنامالاۋ جانە 12 دەرەگى ەسىرتكىگە بايلانىستى قىلمىستىق تەرىس قىلىقتار بولىپ تۇر. زاڭسىز اينالىمنان 96 كگ 839 گر ەسىرتكى تاركىلەندى. ەسىرتكى وسىرۋمەن اينالىسقان 19 ادام ۇستالىپ, ونىڭ 5-ءى قاماۋعا الىندى. ءموبيلدى بەكەتتەردە قىزمەتتىك ىزدەستىرۋ يتتەرىنىڭ كومەگىمەن ەسىرتكىگە قاتىستى تەرىس قىلىقتاردىڭ 5 دەرەگى انىقتالدى», دەيدى وبلىستىق پوليتسيا دەپارتامەنتى باستىعىنىڭ ورىنباسارى سەرىك توقتىباەۆ.
