اكتسياعا 50-دەن استام ادام قاتىستى. ولاردىڭ قاتارىندا قوعامدىق ۇيىم وكىلدەرى, ەكولوگيالىق ەرىكتىلەر, مەكەمە قىزمەتكەرلەرى مەن جەرگىلىكتى تۇرعىندار بولدى. قاتىسۋشىلار پارك اۋماعىن, ورمان القاپتارىن, اۋلالار مەن قوعامدىق ورىنداردى قوقىستان تازارتتى.
شارا اياسىندا قالدىقتاردى سۇرىپتاۋ, ەكىنشى شيكىزاتتى قايتا وڭدەۋ جانە تۇراقتى تۇتىنۋ تاقىرىپتارىندا وقىتۋ سەسسيالارى مەن دارىستەر ءوتتى. بۇل ساباقتار ازاماتتاردىڭ ەكولوگيالىق ساناسىن ارتتىرىپ, قورشاعان ورتانىڭ جاي-كۇيىن جاقسارتۋعا باعىتتالدى.
جاستار مەن اعا بۋىندى تارتۋعا ەرەكشە كوڭىل ءبولىندى.
«تازالىق وتباسىنان باستالادى. ويتكەنى, ومىرلىك قۇندىلىقتار – ەڭبەككە, تابيعاتقا جانە اينالاداعى ادامدارعا دەگەن قۇرمەت – ەڭ الدىمەن وتباسىندا قالىپتاسادى. وسىنداي شارالار وسكەلەڭ ۇرپاققا تۋعان جەر مەن تابيعاتقا دەگەن جاۋاپكەرشىلىكتى ۇلگى ەتۋدىڭ ءتيىمدى جولى», دەپ اتاپ ءوتتى تالعار اۋدانى انالار كەڭەسىنىڭ ءتورايىمى ايتجامال نۇرباتىروۆا.
ناتيجەسىندە شامامەن 4 توننا قوقىس جينالىپ, 10-نان استام تەحنيكا جۇمىلدىرىلدى. وسىنداي ەكولوگيالىق شارالار الداعى ۋاقىتتا دا جالعاسىن تابادى.
الماتى وبلىسى
