فوتو: اشىق دەرەككوز
بولجامعا سايكەس, ەلىمىزدىڭ وڭتۇستىگىندە اۋا تەمپەراتۋراسى 43-47°س-قا دەيىن كوتەرىلەدى. بۇل كۇندەرى قازاقستان اۋماعىندا اۋا رايىنىڭ قالىپتاسۋىنا تسيكلون جانە وعان بايلانىستى اتموسفەرالىق فرونتالدى جۇيەلەر ىقپال ەتەدى.
سول سەبەپتى رەسپۋبليكانىڭ سولتۇستىك-باتىسىندا, سولتۇستىگىندە جانە شىعىسىندا نايزاعايلى وتكىنشى جاڭبىر جاۋىپ, كەي جەرلەردە بۇرشاق ءتۇسۋى مۇمكىن. ال وڭتۇستىك جانە وڭتۇستىك-شىعىس وڭىرلەردە اۋا رايى نەگىزىنەن قۇرعاق بولادى.
باتىس پەن وڭتۇستىك ايماقتاردا شاڭدى داۋىل مەن قاتتى جەل كۇتىلەدى.
كۇندىزگى ۋاقىتتا ەلىمىزدىڭ باسىم بولىگىندە اۋا تەمپەراتۋراسى 35°س-قا دەيىن ىسيدى. ال ورتالىق جانە شىعىس وڭىرلەردە كۇن 40-42°س-قا دەيىن ىسىپ, اپتاپ ىستىق بولادى. وڭتۇستىك پەن وڭتۇستىك-شىعىستا 35-40°س ىستىق كۇتىلىپ, كەي جەرلەردە 43-47°س-قا دەيىن كوتەرىلەدى.
