پەتروپاۆل ايەلدەر كولونياسىندا 44 سوتتالۋشى ديپلوم الدى

پەتروپاۆل. 22 ماۋسىم.  وبلىس ورتالىعىندا ورنالاسقان ايەلدەر كولونياسىندا وتكەن قوس شارا مەرەكەدەگىدەي ۇيىمداستىرىلىپ, سوتتالۋشىلارعا جوعارى كوڭىل-كۇي سىيلادى. بۇل تۋرالى egemen ءتىلشىسى حابارلادى. مۇندا 18 جاستان 30 جاسقا دەيىنگىلەرگە ورتا ءبىلىم الۋ مىندەتتى. بيىل ولاردىڭ قاتارىن 8 سوتتالۋشى تولىقتىردى. ولارعا 12 جىلدىق مەكتەپتى بىتىرگەندىگى تۋرالى اتتەستات سالتاناتتى تۇردە تاپسىرىلدى.  سولاردىڭ ءبىرى اسەل وڭايباەۆا جاساعان قىلمىسى ءۇشىن   5 جىلعا باس بوستاندىعىنان ايرىلسا, 2 جىلىن تەپتى. اتتەستات العاننان كەيىن ءبىلىمىن ءارى قاراي جالعاستىرۋدى كوزدەپ وتىر. بۇل شارانىڭ سوڭى تاعى ءبىر قۋانىشقا ۇلاستى. اتاپ ايتقاندا, 44 قىز-كەلىنشەكتىڭ 23-ءى قۇرىلىس, 21-ءى تىگىنشى ماماندىقتارىن العانىن كۋالاندىراتىن ديپلومدارعا يە بولدى. پەتروپاۆل كاسىپتىك تەحنيكالىق كوللەدجدىڭ ديرەكتورىنىڭ مىندەتىن اتقارۋشى تالعات قابدۋليننىڭ ايتۋىنشا, ءۇش كولونيانىڭ سوتتالۋشىلارى ون اي وقىپ, كاسىپتىك ماماندىققا باعدارلانادى. ماتەريالدىق بازا, كابينەتتەر جاقسى جابدىقتالعان. «كولونيادا   تىگىن تسەحى جۇمىس ىستەيدى.   سوتتالۋشىلاردىڭ ءبىر بولىگى جۇمىسپەن قامتىلعان. جالاقىلارى ارنايى ەسەپشوتقا ۋاقىتىلى اۋدارىلىپ تۇرادى», دەيدى ەس-164/6 تۇزەتۋ مەكەمەسى باسشىسىنىڭ تاربيە جونىندەگى ورىنباسارى ايقىن باجەنوۆ. ءومىر ەسقالي. دەرەك, سۋرەت: egemen.kz