فوتو: ۇكىمەت, تەلەگرام
سۋمەن تولىق قامتىلعان وڭىرلەر: الماتى, اقتوبە, اتىراۋ, باتىس قازاقستان, قىزىلوردا, ماڭعىستاۋ, سولتۇستىك قازاقستان, تۇركىستان وبلىستارى مەن جەتىسۋ, ۇلىتاۋ وبلىستارىنىڭ قالالارى. ماڭعىستاۋ وبلىسىنىڭ اۋىلدىق جەرلەرىندە دە سۋمەن تولىق قامتۋعا قول جەتكىزىلدى.
ال قالا تۇرعىندارىن سۋمەن قامتۋ دەڭگەيى 99,3%-دى قۇراپ وتىر. 90 قالانىڭ 73-ءىن اۋىز سۋمەن تولىق قامتاماسىز ەتۋگە قول جەتكىزىلدى. ە.ناعاسپاەۆتىڭ ايتۋىنشا استانا, الماتى, شىمكەنت, قاراعاندى, سەمەي قالالارىن قوسا العاندا, قالعان 17 قالادا وسى جىلدىڭ سوڭىنا دەيىن تولىق قامتاماسىز ەتىلەدى.
ءمينيستردىڭ دەرەكتەرى بويىنشا اۋىلدىق جەرلەردە سۋمەن جابدىقتاۋ قىزمەتتەرىنە قول جەتكىزۋ دەڭگەيى 97,5%-عا جەتەدى. ەلدىڭ 6148 اۋىلىنىڭ 5679-ى سۋعا قول جەتكىزە الادى.
ۇكىمەتتىڭ ءباسپاسوز قىزمەتىنىڭ مالىمدەۋىنشە اۋىلداردىڭ كوبى – 4 420 (94,8%), ورتالىقتاندىرىلعان جۇيەلەرگە قوسىلعان, ال 999-دا (2,6%) كەشەندى بلوك-مودۋلدەر ورناتىلعان. قالعان 469 اۋىلدا (حالقى 164,7 مىڭ ادام) ورتالىقتاندىرىلعان جۇيەلەرگە قوسۋ نەمەسە بلوك-مودۋلدەردى ورناتۋ جۇمىستارى رەسپۋبليكالىق جانە جەرگىلىكتى بيۋدجەتتەر ەسەبىنەن جۇرگىزىلىپ جاتىر.
