فوتو: سۋ رەسۋرستارى جانە يرريگاتسيا مينيسترلىگى
بۇگىندە جامبىل وبلىسىنىڭ شارۋا قوجالىقتارىنا 231 ملن تەكشە مەتردەن استام سۋ بەرىلگەن. بۇل بىلتىرعى جىلمەن سالىستىرعاندا 50 ملن تەكشە مەترگە ارتىق. جالپى 58 900 گەكتار ەگىس القابى سۋارىلعان.
سالا مينيسترلىگىنىڭ مالىمەتىنشە قىرعىز رەسپۋبليكاسىمەن جاسالعان كەلىسىمدەرگە سايكەس, ۆەگەتاتسيالىق كەزەڭدە قازاقستانعا جامبىل وبلىسىنىڭ ديقاندارىن قامتاماسىز ەتۋ ءۇشىن شۋ جانە تالاس وزەندەرى ارقىلى 625 ملن تەكشە مەتر سۋ كەلەدى دەپ كۇتىلىپ وتىر.
سۋ رەسۋرستارى جانە يرريگاتسيا ءبىرىنشى ۆيتسە-ءمينيسترى نۇرلان الدامجاروۆتىڭ ايتۋىنشا وڭىردە سۋارمالى سۋدى ءتيىمدى پايدالانۋ جانە ءادىل ءبولۋ باعىتىنداعى جۇمىستار جالعاسىپ جاتىر.
«كانالدار بويىنشا سۋدى كەزەكپەن بەرۋ كەستەسى بەكىتىلدى, ديقاندارعا ىلعالدى از قاجەت ەتەتىن داقىلدارعا كوشۋ مەن تۇنگى سۋارۋ جايىندا ءتۇسىندىرۋ جۇمىستارى جۇرگىزىلىپ جاتىر. سونداي-اق فۋرمانوۆ اينالما كانالى مەن گەورگيەۆ ماگيسترالدىق كانالىندا مەحانيكالىق تازارتۋ جۇمىستارى باستالدى», دەدى ن.الدامجاروۆ.
