فوتو: قر قورعانىس مينيسترلىگى
مەرەكەلىك شاراعا قازاقستان رەسپۋبليكاسى قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى گەنەرال-لەيتەنانت سۇلتان كامالەتدينوۆ, قۇرلىق اسكەرلەرىنىڭ باس قولباسشىسى گەنەرال-مايور مەرەكە كوشەكباەۆ, ينستيتۋت باسشىلىعى, ارداگەرلەر, تۇلەكتەردىڭ اتا-انالارى مەن جاقىندارى قاتىستى.
«بيىل قۇرىلعانىنا 55 جىل تولاتىن جوعارى وقۋ ورنىنىڭ قابىرعاسىندا جان-جاقتى ءبىلىم الىپ, كاسىبي دايىندىقتان وتتىڭىزدەر. وتان يگىلىگى ءۇشىن الداعى قىزمەتتە تەك تابىس تىلەيمىن. قۇرلىق اسكەرلەرى اسكەري ينستيتۋتىنىڭ تۇلەگى اتاعىن ماقتانىشپەن الىپ جۇرىڭىزدەر», دەدى باس شتاب باستىعى.
ينستيتۋت باسشىلىعى بيىلعى شىعارىلىمنىڭ اسكەري دايىندىقتىڭ جوعارى دەڭگەيىمەن عانا ەمەس, سونىمەن قاتار عىلىمي, سپورتتىق جانە قوعامدىق قىزمەتتەگى جەتىستىكتەرىمەن دە ەرەكشەلەنەتىنىن اتاپ ءوتتى.
مەرەكەلىك شاراعا تۇلەكتەردىڭ تۋىستارى, جاقىندارى مەن دوستارى قاتىستى. سالتاناتتى جاعدايدا تۇلەكتەرگە ديپلومدار تابىس ەتىلدى. سودان كەيىن ينستيتۋتتىڭ جاۋىنگەرلىك تۋىمەن قوشتاسۋ ءراسىمى ءوتتى.
جاس لەيتەنانتتارعا اسكەري جوعارى وقۋ ورنىن بىتىرگەنى تۋرالى ديپلومدار سالتاناتتى جاعدايدا تابىستالدى. ينستيتۋتتىڭ جاۋىنگەرلىك تۋىمەن قوشتاسۋ راسىمىمەن اياقتالعان مەرەكەلىك شارا ۇرپاقتار ساباقتاستىعىنىڭ جارقىن دالەلى بولدى.
