فوتو: اشىق دەرەككوز
قايعىلى جاعدايدى قر قورعانىس مينيسترلىگىنىڭ قۇرلىق اسكەرلەرى قولباسشىلىعى راستادى. رەسمي مالىمەتكە سايكەس, سارباز اتا-اناسىنىڭ ەرىپ جۇرۋىمەن قىسقا مەرزىمدى دەمالىستان قىزمەتىنە ورالعان. وكىنىشكە قاراي, جول اپاتى سالدارىنان ۇشەۋى دە وقيعا ورنىندا كوز جۇمعان.
«قۇرلىق اسكەرلەرىنىڭ قولباسشىلىعى 2025 جىلعى 28 ماۋسىمدا اياگوز گارنيزونىنداعى اسكەري بولىمدەردىڭ ءبىرىنىڭ مەرزىمدى اسكەري قىزمەتشىسى جانە ونى سەيىلدەمەدەن اسكەري بولىمگە الىپ كەلە جاتقان اتا-اناسى جول اپاتى سالدارىنان قازا تاپقانىن زور كۇيزەلىسپەن حابارلايدى», دەپ جازىلعان حابارلامادا.
الدىن الا مالىمەتتەر بويىنشا, جول اپاتىنا Toyota Lumiere كولىگىن تىزگىندەگەن 62 جاستاعى جۇرگىزۋشىنىڭ قارسى باعىتقا شىعىپ كەتۋى سەبەپ بولعان.
«Toyota Lumiere اۆتوكولىگىنىڭ جۇرگىزۋشىسى جولدىڭ قارسى باعىتىنا شىعىپ كەتىپ, Toyota Land Cruiser كولىگىمەن سوقتىعىسقان. سونىڭ سالدارىنان Toyota Lumiere جۇرگىزۋشىسى مەن ءۇش جولاۋشىسى وقيعا ورنىندا كوز جۇمدى», دەپ حابارلادى وبلىستىق پوليتسيا دەپارتامەنتى.
قازىرگى ۋاقىتتا وقيعاعا بايلانىستى سوت-مەديتسينالىق ساراپتامالار تاعايىندالىپ, تەرگەۋ امالدارى جۇرگىزىلىپ جاتىر.
