فوتو: سۋ رەسۋرستارى جانە يرريگاتسيا مينيسترلىگى
سالا مينيسترلىگىنىڭ مالىمەتىنشە اتالعان جۇمىسشىلارعا جاڭا مىندەتتەر جۇكتەلىپ, ولار كانالدار مەن گيدروتەحنيكالىق قۇرىلعىلاردى جوندەۋگە قاتىسادى, سۋ پايدالانۋشىلارمەن جۇمىس ىستەيدى, سۋ تاسقىنى مەن توتەنشە جاعدايلار كەزىندە كەزەكشىلىك اتقارادى, سونداي-اق گيدروتەحنيكالىق نىسانداردى كونسەرۆاتسيالاۋمەن اينالىسادى.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ ايتۋىنشا بۇرىن ماۋسىمدىق جۇمىسشىلار جىلىنا 6-8 اي عانا جۇمىس ىستەسە, ەندى بارلىعى تۇراقتى جۇمىسپەن قامتىلادى.
«مينيسترلىك سۋ شارۋاشىلىعى ماماندارىنىڭ ەڭبەك جاعدايىن جاقسارتۋ شارالارىن قابىلداپ جاتىر. جاڭا تەحنيكا ساتىپ الىنىپ جاتىر, ال قىركۇيەك ايىندا «تابيعي مونوپوليالار تۋرالى» زاڭعا وزگەرىستەر كۇشىنە ەنەدى. وسى وزگەرىستەرگە سايكەس, سۋ سالاسىنداعى 25 000 قىزمەتكەردىڭ جالاقىسى ورتا ەسەپپەن 35-50% وسەدى», دەدى ن.نۇرجىگىتوۆ.
