ايتۋلى كۇندە رەسپۋبليكانىڭ تۇكپىر-تۇكپىرىنەن كەلگەن باق سالاسىنىڭ قىزمەتكەرلەرى ورتالىق كوممۋنيكاتسيالار قىزمەتى الاڭىنا جينالدى. الىس-جاقىننان جەتكەن جۋرناليستەر ارقا-جارقا قاۋىشىپ, امانداسىپ جاتتى. مەملەكەتتىك ناگرادالاردى مادەنيەت جانە اقپارات ۆيتسە-ءمينيسترى قانات ىسقاقوۆ تابىستادى.
– ءبىز بۇگىن اقپارات زامانىندا ءومىر ءسۇرىپ جاتىرمىز. مۇنداي كەزەڭدە جۋرناليستيكانىڭ ءرولى بۇرىنعىدان دا ارتا تۇسپەك. «قاي ەلدىڭ ءباسپاسوزى مىقتى بولسا, سول ەلدىڭ ءوزى دە مىقتى», دەپ مىرجاقىپ دۋلات ۇلى ايتپاقشى, سىزدەردىڭ قوعامداعى ورىندارىڭىز وتە زور. شىن مانىندە, ء«تورتىنشى بيلىك» اتىنا لايىق ەكەندەرىڭىزدى دالەلدەپ جۇرسىزدەر. مەملەكەت باسشىسىنىڭ رەفورمالارىن جان-جاقتى حالىققا جەتكىزۋدە باق ۇلكەن ءرول اتقارىپ وتىر. سوندىقتان وسى مەملەكەتتە تۇراتىن ءاربىر ازامات سىزدەردىڭ جۇمىستارىڭىزدى باعالايدى. ويتكەنى سىزدەر ارقىلى قوعامنىڭ كوپتەگەن وزەكتى ماسەلەلەرى ايتىلادى جانە بۇل مەملەكەتتىك ورگانداردىڭ جۇمىسىن جانداندىرىپ, جەتىلدىرۋگە ىقپال ەتەدى. سوندىقتان وسى ماڭىزدى ەڭبەكتەرىڭىزگە شىعارماشىلىق تابىس تىلەيمىن, – دەدى قانات ىسقاقوۆ.
قۇرمەت الدىمەن جۋرناليستيكا سالاسىنىڭ دامۋىنا سۇبەلى ۇلەس قوسقان مايتالماندارعا كورسەتىلدى. «قۇرمەت» وردەنى «قازاق» راديوسىنىڭ ارداگەرى كۇلاش مولداحمەتوۆاعا, «Qazaqstan» ۇلتتىق ارناسىنىڭ جەتەكشى رەداكتورى شەرحان ابدەليەۆكە, «ۆەچەرنيايا استانا» گازەتىنىڭ باس رەداكتورى لاريسا ۋۆاليەۆاعا تابىستالدى.
«ەرەن ەڭبەگى ءۇشىن» مەدالىن «7 ارنانىڭ» باس رەجيسسەرى ەرجان اباشەۆ, «Atameken Busines» تەلەارناسىنىڭ پرومو ءبولىمىنىڭ باسشىسى گۇلسىم احمەتجانوۆا, «قازاق گازەتتەرى» جشس باس ديرەكتورىنىڭ ورىنباسارى قامبار احمەتوۆ, «حابار» اگەنتتىگى اق ديزاين جانە تەلەۆيزيالىق گرافيكا دەپارتامەنتىنىڭ جەتەكشى ديزاينەرى ايناش جايلىباەۆا, «Atameken Business» تەلەارناسىنىڭ قووشى-وپەراتورى ۆيكتور دجيگيريس, «Qazaqstan» تەلەارناسىنىڭ باسقارۋشى ديرەكتورى ايدىن ەگىزوۆا, «حابار» اگەنتتىگى اق وندىرىستىك ديرەكتسيا ءبولىمىنىڭ باسقارۋشى ديرەكتورى باسشىسىنىڭ ورىنباسارى ەدىل ەرمەكباەۆ, مادەنيەت جانە اقپارات مينيسترلىگى اقپارات كوميتەتى توراعاسىنىڭ ورىنباسارى يليا ەسماعۇل, «Atameken Business» مەديا حولدينگىنىڭ قارجى ديرەكتورى باعيلا يسانوۆا, «Atameken Business» تەلەارناسىنىڭ پروديۋسەرى گۇلنۇر يسلاموۆا, تالداۋ جانە اقپارات ورتالىعىنىڭ ديرەكتورى ميحايل كوميسساروۆ, «قازاقپارات» حالىقارالىق اگەنتتىگىنىڭ وڭىرلىك ءتىلشىسى ەسىمجان ناقتىباي, «كازاحستانسكايا پراۆدا» گازەتىنىڭ شەف-رەداكتورى مارينا پارحومەنكو, «Elorda Aqparat» جشس-نىڭ ءفوتوتىلشىسى سۇلتانباي سەيىتوۆ, «bairaqmedia.kz» سايتىنىڭ باس رەداكتورى ەربول سەيىلحان, «Elorda Aqparat» جشس ديرەكتورى ولجاس سىدىقبەك جانە «يۋرينفو» كومپانياسىنىڭ باس ديرەكتورى ميحايل كولومين يەلەندى.
ال «Astana aqshamy» گازەتىنىڭ شولۋشىسى گۇلميرا ايماعانبەتكە, «Aiqyn» گازەتىنىڭ بەتتەۋشىسى اسەل التىشەۆاعا, «Egemen Qazaqstan» گازەتىنىڭ ينتەرنەت-رەداكتسيا جەتەكشىسى دينار كەرىمگە جانە پرەزيدەنت جانىنداعى «ورتالىق كوممۋنيكاتسيالار قىزمەتى» رمم ارنايى جوبالار قىزمەتىنىڭ باس ساراپشىسى ادىلەت تولەگەنگە «شاپاعات» مەدالى بۇيىردى.
«اقپارات سالاسىنىڭ ۇزدىگى» توسبەلگىسىن «24KZ» تەلەارناسىنىڭ شەف-رەداكتورى مانشۇك سايفۋللينا, «Qazsport» تەلەارناسى رەداكتورلىق ءبولىمىنىڭ شەف-رەداكتورى ازات سماعۇلوۆ, «استانا قالاسىنىڭ تەلەديدارى» جشس اقپاراتتىق-ساراپتامالىق باعدارلامالار ديرەكتورى جۇراعات بامان, «ەۋرازيا+ورت» جشس جاڭالىقتار جۇرگىزۋشىسى عالىم قالمەنوۆ, «Tengrinews.kz» شىعارۋشى-رەداكتورى اسەل ساتاەۆا, «ايقىن» گازەتىنىڭ ءتىلشىسى تىلەكگۇل ەسداۋلەت, مادەنيەت جانە اقپارات ءمينيسترىنىڭ كەڭەسشىسى ينديرا وماروۆا الدى.
سونىمەن قاتار جيىندا «ەڭبەك ارداگەرى» ماراپاتىن «مير» تەلەراديوكومپانياسىنىڭ باس وپەراتورى مارات كۋراكوۆ يەلەندى.
بۇل ماراپاتتار – جۋرناليستەردىڭ تەك كۇندەلىكتى ەڭبەگىنىڭ ەمەس, ەل مۇددەسى جولىنداعى تىنىمسىز ىزدەنىسى مەن ازاماتتىق ۇستانىمىنىڭ باعالانۋى. اقپارات كەڭىستىگىندە حالىق پەن بيلىك اراسىن جالعايتىن التىن كوپىرگە اينالعان قالامگەرلەر قاۋىمى ءدال وسىنداي قۇرمەتكە ابدەن لايىق.
