ارينە, كىل جۇيرىك قىزمەت ەتەتىن باسىلىم بولعاندىقتان, ارقايسىسىنىڭ ورنى بار. ايتسە دە, كارىباي يمانجان ۇلى قىزمەتىن كوكشەتاۋدا باستاعاندىقتان با ەكەن, ماقالالارى كوزگە جىلىۇشىراپ تۇرادى.
الدىڭعى جىلى «Egemen Qazaqstan» گازەتىندە وڭىردەگى بيۋدجەت قارجىسىن ماقساتسىز جۇمساۋ ماسەلەسىن تۇبەگەيلى زەرتتەپ, «مۇندايلاردى بۇرىن بۇيرالاپ تاستايتىن» دەگەن تاقىرىپتا سىني, زەرتتەۋ ماقالا جازدى. وسى ماقالا ۇلكەن قوعامدىق پىكىر تۋدىردى. كەشەگى كەڭەس زامانىندا تابانى تاستان تايماعان تارلانبوزداي ەل يگىلىگى ءۇشىن ەڭبەك ەتكەن اعا بۋىن بۇگىنگى ەسەپسىز ىسىراپقا قاتتى تاڭعالىپ, جاعا ۇستاعانى بار.
كارىباي مۇسىرمان سولتۇستىك قازاقستان وبلىسىنىڭ جەردىڭ شەتىندە, جەلدىڭ وتىندە جاتقان شالعايداعى شاعىن اۋىلدارىنىڭ ماسەلەسىن كوتەرىپ, جاريالادى. ءبىزدىڭ ءوڭىر ءۇشىن بۇل – وتە وزەكتى ماسەلە. كوپتىڭ كوكەيىندە جۇرگەن سويىلداي ماسەلەنى جازعان جۋرناليست «دەرتتىڭ» دياگنوزىن ءدال قويىپ وتىر. اۆتوردىڭ ايتۋىنشا, مۇنىڭ ەكىنشى جاعى دا بار. تۋعان ءتىلىمىز تۇتقىرلانىپ, كىرپىگى عانا قيمىلداپ جاتقان شاقتا قايماعى بۇزىلماعان وڭتۇستىكتەن بەت بۇرعان ۇلى كوشپەن بىرگە ەڭبەك ادامى عانا ەمەس, سان عاسىر بويى حالقىمىزبەن بىرگە جاساسىپ كەلە جاتقان ادەمى ءداستۇر, ساۋلەلى سالت بىرگە كەلەر ەدى. مىنە, سول ساتتە سولتۇستىكتەگى تىڭنىڭ ەپيتسەنترى اتانعان ولكەنىڭ ءوڭى وزگەرىپ, قازاقىلانىپ قالار ەدى.
بىزدىكى – ءتول مەرەكە قارساڭىندا جازعانى جانىمىزعا جاققان جامپوز جۋرناليسكە دەگەن جالپاق ەلدىڭ كوزقاراسىن جەتكىزۋ عانا. ەل باردا «Egemen Qazaqstan» جاساي بەرەدى.
باقىت سماعۇل,
«بەلسەندى ۇزاق ءومىر» ورتالىعىنىڭ ديرەكتورى
كوكشەتاۋ
