س.ادامبەكوۆا ءوز سوزىندە مەملەكەت باسشىسىنىڭ يدەياسىمەن ىسكە اسىپ جاتقان «حالىق ۇنىنە قۇلاق اساتىن ۇكىمەت» تۇجىرىمداماسى اياسىندا جەرگىلىكتى اتقارۋشى بيلىك, باقىلاۋ-قۇزىرلى ورگاندار قاراپايىم ازاماتتار مەن كاسىپكەرلەردىڭ ارىز-شاعىم, ۇسىنىس-تىلەكتەرىن مۇمكىندىگىنشە ورىنداپ جاتقانىن جەتكىزدى. كاسىپكەرلەر پالاتاسىنداعى قوعامدىق قابىلداۋ دا تۇجىرىمدامانى ىسكە اسىرۋدىڭ ءبىر باعىتىنىڭ ءبىرى. سونداي-اق س.ادامبەكوۆا ىسكەر ازاماتتار تەك «اشىق ەسىك كۇنى ەمەس» جالپى كەز كەلگەن ۋاقىتتا پالاتاعا نەمەسە قۇزىرلى ورگاندارعا ماسەلەسى بويىنشا جۇگىنە الاتىنىن مالىمدەدى.
ەكونوميكالىق قىلمىسقا قارسى ورگان وكىلى الماس مانات ۇلى ەلىمىزدە «زاڭ مەن ءتارتىپ» ۇلتتىق باستاماسى قولعا الىنعانىن مالىمدەدى. وسىعان وراي مەگاپوليستە كاسىپكەرلىكتى دامىتۋ, بيزنەس-احۋالدىڭ جاقسارتۋ باعىتىندا دەپارتامەنت تاراپىنان اتقارىلىپ جاتقان جۇمىستار جونىندە بايانداپ بەردى.
«قوعامدىق قابىلداۋدىڭ نەگىزگى ماقساتى – بيزنەستى قورعاۋ, سونداي-اق كاسىپكەرلىكتى جۇرگىزۋ بارىسىندا تۋىنداعان ماسەلەلەردى زەردەلەپ, ولاردى شەشۋگە كومەكتەسۋ. دەپارتامەنت ىسكەر ازاماتتاردىڭ بيزنەسكە بايلانىستى كەز كەلگەن پروبلەماسىن تىڭداۋعا دايىن» دەدى ول.
قوعامدىق قابىلداۋدا ءسوز العان «جانار-جاعارماي» قاۋىمداستىعىنىڭ توراعاسى قايىپبەك قامباروۆ, «ەريستايل-قازاقستان» جشس ديرەكتورى ويرات مامىروۆ سەكىلدى مەكەمە جەتەكشىلەرى كاسىپكەرلىك سالاسىندا اشىقتىق, ادىلدىك قاعيداتتارىن ساقتاۋ جونىندە وزدەرىنىڭ ۇسىنىس-پىكىرلەرىن ورتاعا سالدى.
ءوز كەزەگىندە ەكونوميكالىق تەرگەپ-تەكسەرۋ دەپارتامەنتى ماماندارى قوعامدىق قابىلداۋدا كوتەرىلگەن بارلىق ماسەلە قاراۋسىز قالمايتىنىن, ءتيىستى ورىندارعا حاباردار ەتىلەتىنىن جەتكىزدى.
شىمكەنت
