فوتو: CTS
كومپانيا وكىلدەرىنىڭ ايتۋىنشا, مۇنداي زاڭسىز ارەكەتتەردىڭ الدىن الۋ ۆاگونداردى جوبالاۋ كەزەڭىندە-اق ەسكەرىلگەن. ۆاگونداردىڭ سىرتى ارنايى قورعانىس ماتەريالدارىمەن جابدىقتالعاننان كەيىن بوياۋ بەتكى قاباتقا سىڭبەي, زاقىم كەلتىرمەي تولىق تازارتىلعان. ۆاگونداردىڭ باستاپقى كەلبەتى قالپىنا كەلتىرىلگەن.
ەسكە سالايىق, بۇعان دەيىن بەلگىسىز تۇلعالار استاناداعى LRT ۆاگوندارىنىڭ سىرتىنا سۋرەت سالىپ بۇلدىرگەن بولاتىن. اتالعان دەرەك بويىنشا قىلمىستىق ءىس قوزعالعان.
LRT جوباسى شەڭبەرىندە العاشقى قۇرامدار استاناعا 9 ماۋسىمدا جەتكىزىلگەن. ال 11 ماۋسىمدا № 101 ستانتسياسىندا العاشقى ەكى ۆاگوننان تۇراتىن قۇرام ءساتتى كوتەرىلىپ, رەلسكە ورناتىلدى. كەلەسى كۇنى, 12 ماۋسىمدا, «ابۋ-دابي پلازا» ستانتسياسىندا ەكىنشى قۇرام كوتەرىلدى.
