بۇگىندە ول اقش-تىڭ بالتيمور قالاسىنداعى ۋولتەرس ونەر مۇراجايىنىڭ قورىندا ساقتاۋلى. XV عاسىردىڭ ءبىرىنشى جارتىسىندا ۆەنەتسيادا ەمبرياكي جانۇياسىنىڭ شەبەرحاناسى اۋقاتتىلار مەن اقسۇيەكتەرگە ارناپ, سۇيەكتەن جانە سيرەك كەزدەسەتىن اعاش تۇرلەرىنەن جاسالعان قىمبات بۇيىمدار سەرياسىن شىعارعان. شەبەرلەر كلاسسيكالىق ميفولوگيالىق سيۋجەتتەردى بەينەلەپ, ءار تۋىندىنى ناعىز كوركەم تۋىندىعا اينالدىرادى.
ساندىقشادا ءپاريستىڭ بالالىق شاعى مەن كەيىنگى تاعدىرى كورىنىس تاپقان. اڭىز بويىنشا ءپاريستى تۋعان كەزدە اتا-اناسى تاستاپ كەتەدى, بىراق ول ءتىرى قالادى. ەسەيگەن سوڭ ول سپارتا پاتشايىمى ەلەنانى ۇرلاپ كەتىپ, گرەكيا مەن ترويا اراسىنداعى ۇلكەن سوعىستىڭ باستالۋىنا جول اشادى.
ورتا عاسىردا مۇنداي اڭىزدار ونەر تۋىندىسىنا اينالىپ, ادامدار اراسىندا كەڭ تارايتىن بولعان. جوعارى تاپ وكىلدەرى جاستاردىڭ قۇرعان وتاۋى بەرىك بولسىن دەپ ساندىقشانى قالىڭدىققا سىيعا تارتاتىن. ىشىنە نەكە جۇزىكتەرى, اسىل تاستار نە وتباسىلىق جادىگەرلەر سالىنعان. قاقپاعىنداعى ەكى بوس قالقانعا جاس جۇبايلاردىڭ ماحاببات رامىزدەرى بوياۋمەن تۇسىرىلەتىن, الايدا ءجۇز جىلدان اسا ۋاقىت وتە كەلە بوياۋ ىزدەرى ءوشىپ كەتكەن.
