ءىس-شاراعا قازاقستان, رەسەي, تۇركيا, ماجارستاننان كەلگەن بەلگىلى عالىمدار, ساراپشىلار جانە تمد ەلدەرىنەن كىتاپحانا سالاسىنىڭ وكىلدەرى قاتىستى.
جيىن بارىسىندا ار-حيۆ, قۇجاتتاما جانە كىتاپ ءىسى كوميتەتىنىڭ توراعاسى رۋستام ءالي ابايدىڭ 180 جىلدىق مەرەيتويىن مەرەكەلەۋ اياسىندا رەسپۋبليكا كولەمىندە جۇزەگە اسىرىلىپ جاتقان ءىس-شارالار تۋرالى باياندادى.
ءىس-شارا بارىسىندا ۇلى اقىننىڭ ادەبي مۇراسى مەن فيلوسوفيالىق كوزقاراسىنىڭ قازىرگى قوعامداعى ماڭىزى, اعارتۋشىلىق يدەيالارىنىڭ رۋحاني جاڭعىرۋ ۇدەرىسىندەگى ءرولى تالقىلاندى. سونىمەن قاتار ابايدىڭ يۋنەسكو دەڭگەيىندە مويىندالىپ, الەمنىڭ كوپتەگەن تىلىنە اۋدارىلعان شىعارماشىلىعى تۋرالى ايتىلدى.
اباي قۇنانباي ۇلىنىڭ 180 جىلدىعىن اتاپ ءوتۋ بويىنشا 305 ءىس-شارا جوسپارلانعان. سونىڭ ىشىندە 7 حالىقارالىق, 44 رەسپۋبليكالىق, 254 وڭىرلىك دەڭگەيدە ءىس-شارا ۇيىمداستىرىلادى, ۇلتتىق كىتاپحانالار اياسىندا 22 ءىس-شارا وتكىزۋ كوزدەلىپ وتىر.
جىل سوڭىنا دەيىن مەملەكەتتىك تاپسىرىس اياسىندا «اباي. ستيحي ي پوەمى» (ورىس تىلىنە اۋدارعان و.جانايداروۆ), «اباي جولى» كەيىپكەرلەرى جانە اباي» (اۆتورى ا.مۇحامەتقاليقىزى), «ابايتانۋدىڭ كەيبىر ماسەلەلەرى» (اۆتورى ز.تايشىباي) اتتى كىتاپتارى باسىلىپ شىعىپ, بارلىق وڭىردەگى كىتاپحانالارعا تاراتىلادى.
