تۇركىستاندا وتكەن «زاڭ مەن ءتارتىپ – مەملەكەت كەپىلى» اتتى فورۋمدا وسىنداي دەرەكتەر كەلتىرىلىپ, وڭىردە جول-كولىك وقيعالارىن ازايتۋ ماقساتىندا جۇمىستار كۇشەيتىلەتىنى, ەسىرتكىنىڭ زاڭسىز اينالىمىنا جانە ناشاقورلىققا قارسى پروفيلاكتيكالىق ءىس-شارالار تۇراقتى جۇرگىزىلەتىنى ايتىلدى.
وسى جىلدىڭ 5 ايىندا 163 دەرەك انىقتالىپ, 199 كەلىگە جۋىق ەسىرتكى زاتتارى تاركىلەندى. وتكەن جىلدىڭ سايكەس كەزەڭىندە 336 دەرەك انىقتالعان. ينتەرنەت ارقىلى سينتەتيكالىق ەسىرتكىلەردىڭ تارالۋىنا جول بەرمەۋ باعىتىندا 405 اقپاراتتىق سايت انىقتالىپ, بۇعاتتالدى.
سونداي-اق, تۇرعىنداردىڭ قارجىلىق ساۋاتتىلىعىنىڭ تومەندىگى سالدارىنان وسى جىلدىڭ 5 ايىندا وبلىستا الاياقتىق قىلمىستار 33 پايىزعا, ينتەرنەت الاياقتىق قىلمىستار 102 پايىزعا وسكەن.
بۇل ورايدا ازاماتتاردىڭ قارجىلىق ساۋاتتىلىقتارىن ارتتىرۋ ماقساتىندا وقىتۋ جانە ءتۇسىندىرۋ جۇمىستارى كۇشەيتىلەتىن بولادى. پروباتسيا قىزمەتىنىڭ ەسەبىندە تۇرعان ازاماتتاردىڭ ماسەلەسى ەرەكشە باقىلاۋدا. بۇل ازاماتتارعا بيىل 194 كۆوتا بەلگىلەنگەن.
تۇركىستان
